ព័ត៌មានអន្ដរជាតិ
ស្ងាត់ៗ ឡាវចាក់វ៉ាក់សាំងកូវីដដល់បុគ្គលិកពេទ្យជាង ៦០០ នាក់បន្ថែមទៀត
ប្រទេសឡាវបានចាប់ផ្តើមចាក់វ៉ាក់សាំងដល់បុគ្គលិកពេទ្យជាង ៦០០ នាក់ដែលដឹកនាំដោយឧបនាយករដ្ឋមន្រ្តី និងជារដ្ឋមន្រ្តីក្រសួងសុខាភិបាលកាលពីថ្ងៃពុធ ។
យោងតាមរបាយការណ៍របស់វិទ្យុជាតិឡាវ (LNR) បានឲ្យដឹងថា បុគ្គលិកពេទ្យ និងបុគ្គលិកជួរមុខដែលប្រឈមមុខនឹងហានិភ័យជាង ៦០០ នាក់បានចាប់ផ្តើមទទួលការចាក់វ៉ាក់សាំងប្រឆាំងជំងឺកូវីដ ១៩ ។

ការចាក់វ៉ាក់សាំងនេះបានធ្វើឡើងនៅមន្ទីរពេទ្យ Mittaphap និង Setthathirath ក្នុងរដ្ឋធានីវៀងចន្ទក្រោមវត្តមានឧបនាយករដ្ឋមន្រ្តីលោក Somdy Douangdy និងរដ្ឋមន្រ្តីក្រសួងសុខាភិបាលលោក Boungkong Sihavong ។
លោកវេជ្ជបណ្ឌិត Boungkong បាននិយាយថា វ៉ាក់សាំង Sinopharm ដែលផលិតនៅប្រទេសចិនត្រូវបានគេប្រើដើម្បីចាក់ដល់បុគ្គលិកពេទ្យឡាវ អាជ្ញាធរដែលធ្វើការនៅប៉ុស្តិ៍ត្រួតពិនិត្យព្រំដែន និងអ្នកដែលធ្វើការនៅទីតាំងធ្វើចត្តាឡីស័ករបស់រដ្ឋ ។

វ៉ាក់សាំង Sinopharm ចំនួន ៤២៣ ដូសត្រូវបានគេដាក់ពង្រាយរួចហើយដើម្បីចាក់ដល់មនុស្សចំនួន ២៩៨ នាក់ដោយក្នុងនោះបុគ្គលិក ១២៥ នាក់បានទទួលការចាក់ដូសទីពីរដោយគ្មានផលប៉ះពាល់អ្វីឡើយ ។
លោកវេជ្ជបណ្ឌិតបានបញ្ជាក់ថា“ យើងរំពឹងថានឹងចាក់វ៉ាក់សាំងប្រជាជនចំនួន ១.៥ លាននាក់នៅឆ្នាំនេះ ឬប្រហែល ២២ ភាគរយនៃប្រជាជនឡាវ ។ យើងសង្ឃឹមថានឹងអាចឈានដល់ ៧០ ភាគរយនៃប្រជាជនសរុបនៅឆ្នាំ ២០២៣” ។

ប្រទេសឡាវបានទទួលវ៉ាក់សាំងកូវីដចំនួន ២,០០០ ដូពីប្រទេសចិន ខណៈដែលរដ្ឋាភិបាលរុស្ស៊ីបានផ្តល់ការដឹកជញ្ជូនវ៉ាក់សាំង “Sputnik V” កាលពីសប្តាហ៍មុន ។
ប្រទេសឡាវក៏ជាប្រទេសមួយក្នុងចំណោមប្រទេសចំនួន ៩២ ផងដែរដែលបានទទួលជំនួយពីសម្ព័ន្ធភាពវ៉ាក់សាំង COVAX ដោយទទួលបានវ៉ាក់សាំងនេះប្រមាណពី ១៥ ទៅ ២០ ភាគរយនៅត្រឹមខែមេសា ឆ្នាំ ២០២១ ។
គួរបញ្ជាក់ថា គិតត្រឹមពេលនេះប្រទេសឡាវមានករណីឆ្លងជំងឺកូវីដ ១៩ តែ ៤៤ ករណីប៉ុណ្ណោះ ខណៈមានអ្នកជាសះស្បើយ ៤១ នាក់ និងមិនមានអ្នកស្លាប់នោះទេ ៕

ប្រែសម្រួលដោយ ៖ ជីវ័ន្ត
ប្រភព ៖ The Laotian Times
ចុចអាន ៖ មីយ៉ាន់ម៉ាចាក់វ៉ាក់សាំងកូវីដដំបូងដល់បុគ្គលិកសុខាភិបាល
ចុចអាន ៖ កូវីដកំពុងផ្ទុះខ្លាំងនៅវៀតណាម ថ្ងៃនេះរកឃើញការឆ្លងក្នុងសហគមន៍៨១ករណី

-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៥ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ