កូវីដកំពុងផ្ទុះខ្លាំងនៅវៀតណាម ថ្ងៃនេះរកឃើញការឆ្លងក្នុងសហគមន៍៨១ករណី

នៅថ្ងៃព្រហស្បតិ៍ទី២៨ខែមករានេះ រដ្ឋមន្រ្តីក្រសួងសុខាភិបាលវៀតណាមបាននិយាយថា មនុស្សចំនួន៨១នាក់បានធ្វើតេស្តវិជ្ជមានជំងឺកូវីដ១៩ ដែលជាប់ទាក់ទងទៅនឹងករណីចំនួនពីរដែលត្រូវបានប្រកាសនៅថ្ងៃដដែលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nguyen Thanh Long បានប្រកាសអំពីករណីទាំងនេះអំឡុងកិច្ចប្រជុំរបស់មន្រ្តីជាន់ខ្ពស់នៅថ្ងៃព្រហស្បតិ៍នេះ។ ករណីទាំងនេះបានកើតឡើងត្រឹមតែប៉ុន្មានសប្តាហ៍ប៉ុណ្ណោះ មុនថ្ងៃឈប់សម្រាកបុណ្យចូលឆ្នាំថ្មីរបស់ប្រទេសនេះ ដែលជាពេលវេលាមានការជួបជុំតាមផ្ទះ។

នៅថ្ងៃព្រហស្បតិ៍នេះ ក្រសួងសុខាភិបាលរបស់ប្រទេសវៀតណាមបានបញ្ជាឲ្យខេត្តនិងទីភ្នាក់ងាររបស់រដ្ឋ រឹតបន្តឹងការត្រួតពិនិត្យនិងគ្រប់គ្រង។

កិច្ចខិតខំប្រឹងប្រែងតាមដានទំនាក់ទំនងត្រូវបានធ្វើឡើងក្នុងខេត្តចំនួនពីរ នៅខេត្តភាគខាងជើង Hai Duong និង Quang Ninh ដែលជាកន្លែង ការឆ្លងថ្មីចំនួនពីរករណីត្រូវបានរកឃើញដំបូង។

ដោយសារវិធានការធ្វើចត្តាឡីស័ក ធ្វើតេស្តនិងតាមដានយ៉ាងតឹងរ៉ឹង, ប្រទេសវៀតណាមបានរាយការណ៍ករណីកូវីដសរុប១,៥៥១ករណី ស្លាប់៣៥នាក់និងជាសះស្បើយ ១,៤៣០នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ វៀតណាមផ្ទុះការឆ្លងកូវីដក្នុងសហគមន៍ ក្រោយស្ងាត់ជិត២ខែ