តម្លៃប្រេង ពិភពលោក ហក់ឡើងខ្លាំងមិនធ្លាប់មាន ហើយអាចបន្តដល់ដាច់ឆ្នាំ

គិតត្រឹមថ្ងៃចន្ទ ទី៣១ ខែកក្កដា តម្លៃប្រេងពិភពលោកបានកើនឡើងដល់កម្រិតខ្ពស់បំផុតមិនធ្លាប់មានក្នុងរយៈពេល ៣ ខែជាប់ៗគ្នា ហើយវាក៏ជាការហក់ឡើងខ្ពស់ខ្លាំងផងដែរ ចាប់តាំងពីខែ​មករា ឆ្នាំ ២០២២ មក ដោយសារតែការរឹតបន្តឹងលើការផ្គត់ផ្គង់សកល ជាពិសេសតម្រូវការចាំបាច់តែម្ដង ។

តម្លៃជួញដូរប្រេងឆៅរបស់ក្រុមហ៊ុន Brent កាលពីថ្ងៃចន្ទបានកើនឡើង ១.០២ ដុល្លារ ឬ ១.២ ភាគរយ និងមានតម្លៃ ៨៥.៤៣ ដុល្លារក្នុងមួយបារ៉ែល ហើយវាអាចបន្តហក់ឡើងថែមទៀតរហូត ០.៧ ភាគរយដែលនឹងដាក់លក់ក្នុងតម្លៃ ៨៥.៥៦ ដុល្លារក្នុងមួយបារ៉ែល រហូតដល់ដាច់ឆ្នាំនេះ ។

ដោយឡែកចំពោះតម្លៃប្រេងឆៅរបស់ក្រុមហ៊ុនអាមេរិក WTI វិញ បានកើនឡើងដល់ ១.២២ ដុល្លារ ឬ ១.៥ ភាគរយ ដាក់លក់ក្នុងតម្លៃ ៨១.៨០ ដុល្លារក្នុងមួយបារ៉ែល ពោលខ្ពស់ជាងតម្លៃប្រេងរបស់ក្រុមហ៊ុន Brent រហូតដល់ ០.២០ ដុល្លារស្មើនឹង ០.៣ ភាគរយ ។

គួរបញ្ជាក់ថា ការកើនឡើងនៃតម្លៃ​ប្រេងនេះ បន្ទាប់ពីប្រទេសផលិតប្រេងធំៗជាច្រើនដូចជា អារ៉ាប៊ីសាអូឌីត ​រួមជាមួយរុស្ស៊ី​ ប្រកាសនាំគ្នា​កាត់បន្ថយការផលិតប្រេងរហូតដល់ជាង ១​ លានបារ៉ែលក្នុងមួយថ្ងៃ ៕

ប្រែសម្រួល៖ នាង រតនៈ

ប្រភព៖ Reuter

ចុចអាន ៖ Elon Musk ​ប្រាប់ឲ្យឈប់ហៅឈ្មោះ Twitter តទៅទៀត