ព័ត៌មានអន្ដរជាតិ
Breaking News! យោធា មីយ៉ាន់ម៉ា លើកលែងទោសដល់លោកស្រី អ៊ុងសាន ស៊ូជី
នៅទីបំផុត យោធាមីយ៉ាន់ម៉ាបានប្រកាសផ្តល់ការលើកលែងទោសដល់មេដឹកនាំគាំទ្រលទ្ធិប្រជាធិបតេយ្យលោកស្រី អ៊ុងសាន ស៊ូជី ដែលកំពុងត្រូវបានឃុំខ្លួននៅក្នុងផ្ទះនៃរដ្ឋធានីណៃពិដោ ។
![](https://www.kampucheathmey.com/wp-content/uploads/2023/08/Aung-San-Suu-Kyi-3.jpg)
លោកស្រី អ៊ុងសាន ស៊ូជី ដែលកាលពីសប្តាហ៍មុនបានផ្ទេរចេញពីពន្ធនាគារ និងបញ្ជូនទៅឃុំខ្លួននៅក្នុងផ្ទះ ត្រូវបានយោធាមីយ៉ាន់ម៉ាដឹកនាំដោយលោក មីន អ៊ុងឡាំង ផ្ដល់ការលើកលែងទោសចំពោះបទល្មើសចំនួន ៥ ក្នុងចំណោមបទល្មើសជាច្រើន ដែលកាត់ទោសលោកស្រីឲ្យជាប់ពន្ធនាគារសរុប ៣៣ ឆ្នាំ ។
លោកស្រី ស៊ូជី ត្រូវបានចាប់ឃុំខ្លួន ចាប់តាំងពីយោធាបានដណ្តើមអំណាចក្នុងរដ្ឋប្រហារកាលពីថ្ងៃទី១ ខែកុម្ភៈ ឆ្នាំ ២០២១ ហើយចាប់ពីពេលនោះមក ភាពចលាចលនៅក្នុងប្រទេសដើម្បីទាមទារឲ្យមានការដោះលែងលោកស្រី ត្រូវបានផ្ទុះឡើង ហើយបណ្ដាលឲ្យមានការប៉ះទង្គិចគ្នារវាងជនស៊ីវិល និងកម្លាំងយោធាផងដែរ ។
![](https://www.kampucheathmey.com/wp-content/uploads/2023/08/Myanmarrr-2.jpg)
យោងតាមអង្គការសហប្រជាជាតិ (UN) បានឲ្យដឹងថា មនុស្សជាង ១.៥ លាននាក់ត្រូវបានផ្លាស់ទីលំនៅក្នុងភាពចលាចលនៃសង្គ្រាមស៊ីវិលរបស់មីយ៉ាន់ម៉ា ក្នុងរយៈពេល ២ ឆ្នាំចុងក្រោយនេះ ខណៈកុមារជាង ៥ លាននាក់ត្រូវការជំនួយមនុស្សធម៌យ៉ាងខ្លាំង ។
ស្របពេលជាមួយគ្នានេះ ទិន្នន័យរបស់អង្គការសហប្រជាជាតិ (UN) ក៏បានបង្ហាញដែរថា យ៉ាងហោចណាស់មនុស្ស ២,៨៩០ នាក់បានបាត់បង់ជីវិតក្រោមកណ្តាប់ដៃរបស់យោធា និងអ្នកដែលនៅក្រោមឱវាទរបស់ពួកគេ ខណៈដែលប្រជាជន ៧៦៧ នាក់ត្រូវបានចាប់ខ្លួន ចាប់តាំងពីយោធាឡើងកាន់អំណាច ។
គួរបញ្ជាក់ថា ក្រៅពីលោកស្រី អ៊ុងសាន ស៊ូជី, ប្រធានាធិបតីដែលត្រូវបានបណ្តេញចេញដោយយោធា គឺលោក Win Myint ក៏ស្ថិតក្នុងចំណោមអ្នកទោសជាង ៧,០០០ នាក់ដែលត្រូវបានផ្តល់ការលើកលែងទោសផងដែរ ដើម្បីអបអរការប្រារព្ធពិធីបុណ្យចូលព្រះវស្សានៅមីយ៉ាន់ម៉ា ៕
![](https://www.kampucheathmey.com/wp-content/uploads/2023/08/Win-Myint-2.jpg)
ប្រែសម្រួលដោយ ៖ ជីវ័ន្ត
ប្រភព ៖ Nikkei Asia
ចុចអាន ៖ UN ឲ្យ មីយ៉ាន់ម៉ា វិលទៅរកការគ្រប់គ្រងតាមបែបលទ្ធិប្រជាធិបតេយ្យ និងធ្វើការបោះឆ្នោតត្រឹមត្រូវ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៥ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានអន្ដរជាតិ២ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៥ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ៣ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ៦ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម២ ថ្ងៃ ago
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍
-
ជីវិតកម្សាន្ដ៥ ថ្ងៃ ago
មិនដឹងមានវិបត្តិអ្វី! Justin Bieber ប្រែស្គមស្គាំង ដើរម្នាក់ឯង ដូចមនុស្សមានបញ្ហាផ្លូវចិត្ត