ប្រធានាធិបតីនីហ្សេ សុំឲ្យអាមេរិកជួយ ក្រោយផ្ទុះរដ្ឋប្រហារ

មេដឹកនាំនីហ្សេ​ ដែលត្រូវបានបណ្តេញចេញពីតំណែង បានអំពាវនាវឲ្យសហរដ្ឋអាមេរិក និង សហគមន៍អន្តរជាតិទាំងមូល ជួយស្តាររដ្ឋធម្មនុញ្ញ បន្ទាប់ពីរដ្ឋប្រហារកាលពីសប្តាហ៍មុន។

នៅក្នុងអត្ថបទរបស់កាសែត Washington Post, លោកប្រធានាធិបតី Mohamed Bazoum បាននិយាយថា គាត់កំពុងសរសេរនេះ ក្នុងនាមជាចំណាប់ខ្មាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Bazoum សរសេរថា “ការប្រយុទ្ធដើម្បីតម្លៃរួមរបស់យើង រួមទាំងលទ្ធិប្រជាធិបតេយ្យពហុនិយម និងការគោរពនីតិរដ្ឋ គឺជាមធ្យោបាយតែមួយគត់ ដើម្បីធ្វើឲ្យមានការរីកចម្រើនប្រកបដោយនិរន្តរភាពប្រឆាំងនឹងភាពក្រីក្រ និងអំពើភេរវកម្ម។ ប្រជាជននីហ្សេ នឹងមិនភ្លេចការគាំទ្ររបស់អ្នក នៅគ្រាដ៏សំខាន់នេះនៅក្នុងប្រវត្តិសាស្ត្ររបស់យើងឡើយ”។

សូមបញ្ជាក់ជាថ្មី ភាពចលាចល​បាន​ផ្ទុះឡើង​នៅ​រដ្ឋ​អាហ្វ្រិក​ខាងលិចមួយនេះ ​ចាប់តាំងពី​គាត់​ត្រូវបាន​ផ្ដួលរំលំ​។

ប្រទេសនេះ គឺជាអ្នកផលិតអ៊ុយរ៉ាញ៉ូមដ៏សំខាន់ ហើយថែមទាំងមានទីតាំងស្ថិតនៅលើផ្លូវធ្វើចំណាកស្រុកដ៏សំខាន់ទៅកាន់តំបន់អាហ្វ្រិកខាងជើង និងមេឌីទែរ៉ាណេទៀតផង៕

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក ប្រកាសជម្លៀសបុគ្គលិកស្ថានទូតចេញពី នីហ្សេ ក្រោយផ្ទុះរដ្ឋប្រហារ