ព័ត៌មានអន្ដរជាតិ

រុស្ស៊ី កាត់ទោសមេបក្សប្រឆាំងដែលរិះគន់លោក ពូទីន ឲ្យជាប់ពន្ធនាគារ ១៩ ឆ្នាំទៀត

បានផុស

២ years មុន

នៅ

ថ្ងៃសៅរ៍ ៥ សីហា ២០២៣

ដោយ

ប្រព័ន្ធផ្សព្វផ្សាយរុស្ស៊ីបានរាយការណ៍កាលពីថ្ងៃសុក្រថា មេដឹកនាំក្រុមប្រឆាំងនៅក្នុងប្រទេសរុស្ស៊ីដែលគាំទ្រដោយលោកខាងលិចលោក Alexey Navalny ត្រូវបានកាត់ទោសឲ្យជាប់ពន្ធនាគាររយៈពេល ១៩ ឆ្នាំបន្ថែមទៀត ។

លោក Navalny ប្រឈមមុខនឹងការចោទប្រកាន់ចំនួន ៦ ករណី រាប់ចាប់ពីការបង្កើតក្រុមជ្រុលនិយម ការអំពាវនាវឲ្យមានសកម្មភាពជ្រុលនិយម ការផ្តល់ហិរញ្ញប្បទានដល់សកម្មភាពជ្រុលនិយម និងការទាក់ទាញក្មេងៗឲ្យចូលទៅក្នុងក្រុមពួកគេ ក៏ដូចជាការស្តារឡើងវិញនូវមនោគមវិជ្ជាណាស៊ីជាដើម ។

សកម្មជននយោបាយរូបនេះត្រូវបានចាប់ខ្លួនលើកដំបូងកាលពីឆ្នាំ ២០២១ ក្រោយត្រឡប់មកពីព្យាបាលនៅប្រទេសអាល្លឺម៉ង់ បន្ទាប់ពីត្រូវបានបំពុលនៅលើជើងហោះហើរក្នុងប្រទេសរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនោះតុលាការបានកាត់ទោសលោក Navalny ឲ្យជាប់ពន្ធនាគាររយៈពេល ៩ ឆ្នាំពីបទបំពានលើការលើកលែងទោសក្នុងសំណុំរឿងលួចបន្លំប្រាក់ ខណៈក្រោយមកគាត់ត្រូវបានកាត់ទោសពីបទឧក្រិដ្ឋបន្ថែមទៀតផងដែរ ។

គួរបញ្ជាក់ថា លោក Navalny គឺជាអ្នករិះគន់ឥតសំចៃមាត់ទៅលើលោកប្រធានាធិបតី Vladimir Putin ជាពិសេសសកម្មជននយោបាយរូបនេះ ជាអ្នកប្រឆាំងដាច់ខាតចំពោះសង្គ្រាមលុកលុយរបស់រុស្ស៊ីលើអ៊ុយក្រែនដែលផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើ បក្សភឿថៃ នឹងយកបក្សលោក ប្រាយុទ្ធ ចូលក្នុងក្រុមចម្រុះដើម្បីបង្កើតរដ្ឋាភិបាលថ្មីមែនឬ?