ព័ត៌មានអន្ដរជាតិ
តម្លៃស្បៀងអាហារសកលកើនឡើងយ៉ាងខ្លាំង ក្រោយ រុស្ស៊ី បញ្ចប់កិច្ចព្រមព្រៀងគ្រាប់ធញ្ញជាតិ
តម្លៃស្បៀងអាហារសកលបានកើនឡើងយ៉ាងខ្លាំងកាលពីខែមុន បន្ទាប់ពីប្រទេសរុស្ស៊ីបានដកខ្លួនចេញពីកិច្ចព្រមព្រៀងមួយដើម្បីអនុញ្ញាតឲ្យមានការឆ្លងកាត់ប្រកបដោយសុវត្ថិភាពនៃកប៉ាល់ដែលដឹកគ្រាប់ធញ្ញជាតិចេញពីកំពង់ផែអ៊ុយក្រែន ។
អង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បាននិយាយកាលពីពេលថ្មីៗនេះថា សន្ទស្សន៍តម្លៃស្បៀងអាហារសកលបានកើនឡើង ១.៣ ភាគរយនៅក្នុងខែកក្កដា បើធៀបនឹងខែមុន ដែលជាការកើនឡើងជាលើកទី ២ ក្នុងឆ្នាំនេះ ចាប់តាំងពីកិច្ចព្រមព្រៀងគ្រាប់ធញ្ញជាតិរងការជាប់គាំង ។

កន្លងមកសន្ទស្សន៍ប្រចាំខែដែលតាមដានទំនិញម្ហូបអាហារជាច្រើន បានធ្លាក់ចុះជិត ១២ ភាគរយ ចាប់ពីខែកក្កដា ឆ្នាំ ២០២២ មក ប៉ុន្តែការសម្រេចចិត្តរបស់រុស្ស៊ីក្នុងការដកខ្លួនចេញពីកិច្ចព្រមព្រៀងដែលគាំទ្រដោយអង្គការសហប្រជាជាតិ បានជំរុញឲ្យតម្លៃគ្រាប់ធញ្ញជាតិ និងប្រេងផ្កាឈូករ័ត្នឡើងថ្លៃ ។
កិច្ចព្រមព្រៀងនេះត្រូវបានបន្ត ៣ ដងមកហើយ ប៉ុន្តែរុស្ស៊ីបានគំរាមម្តងហើយម្តងទៀតថា នឹងដកខ្លួនចេញ ដោយលើកហេតុផលថា វាត្រូវបានរារាំងក្នុងការនាំចេញផលិតផលរបស់ខ្លួន ។

ពាក់ព័ន្ធនឹងបញ្ហានេះដែរ លោក វ្ល៉ាឌីមៀរ ពូទីន បានលើកឡើងកាលពីសប្តាហ៍មុនថា ប្រទេសរុស្ស៊ីអាចជំនួសការនាំចេញគ្រាប់ធញ្ញជាតិរបស់អ៊ុយក្រែនទៅកាន់បណ្តាប្រទេសអាហ្វ្រិកដែលខ្វះខាតបំផុត ហើយការនាំចេញគ្រាប់ធញ្ញជាតិដោយឥតគិតថ្លៃទៅកាន់ប្រទេសចំនួន ៦ រួមទាំងសូម៉ាលី និងអេរីទ្រា នឹងកើតឡើងក្នុងរយៈពេល ៤ ខែបន្ទាប់ ៕
ប្រែសម្រួល៖ នាង រតនៈ
ប្រភព៖ CNN
ចុចអាន៖ ស្ថានភាពសេដ្ឋកិច្ចថៃ និងការពន្យារពេលបង្កើតរដ្ឋាភិបាល

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ