Chatime កំពុងប្រឈមនឹងការបិទហាងមួយចំនួននៅប្រទេសអូស្ត្រាលី

Chatime ជាហាងតែលំដាប់ពិភពលោកដែលមានហាងជាង ២០០ កន្លែងក្នុងប្រទេសអូស្ត្រាលី កំពុងប្រឈមនឹងហានិភ័យនៃការបិទហាងមួយចំនួន ដោយសារតែបញ្ហាផ្នែកហិរញ្ញវត្ថុ ។

ទាក់ទងនឹងបញ្ហានេះ លោកនាយកប្រតិបត្តិ Carlos Antonius បានបកស្រាយថា តម្លៃជួលកន្លែងលក់ និងតម្លៃឧបករណ៍ប្រើប្រាស់កើនឡើងខ្ពស់ ចំណែកឯប្រាក់ឈ្នួលអប្បបរមាក៏កើនឡើងដល់ទៅ ៥.៧៥ ភាគរយ បណ្ដាលឲ្យហាងមួយចំនួនគ្មានផលចំណេញ ។

ដូច្នេះលោក Antonius បានប្រាប់កាសែត Sydney Morning Herald ថា “ការបិទហាង និងផ្លាស់ប្ដូរទីតាំងល្អជាងធ្វើកិច្ចសន្យាជួលថ្មី ។ ការ​បិទ​ហាង​គឺជាជម្រើស​​ចុង​ក្រោយ ហើយ​​ហាង​មួយ​ចំនួន​តូច​​នឹង​មិន​បើក​ឡើង​វិញ​ទេ ។”

សូមបញ្ជាក់ថា Chatime បានបង្កើតនៅតៃវ៉ាន់កាលពីឆ្នាំ ២០០៥ ប៉ុន្តែនាំចូលប្រទេសអូស្ត្រាលីក្នុងឆ្នាំ ២០០៩ ។

បើតាមការស៊ើបអង្កេតក្នុងឆ្នាំ ២០១៩ បានបង្ហាញថា Chatime បើកប្រាក់ខែឲ្យបុគ្គលិករបស់ខ្លួនតិចជាងអ្វីដែលត្រូវផ្ដល់រហូតដល់ ៦ លានដុល្លារចាប់ពីឆ្នាំ ២០០៩ ទៀតផង ៕

ប្រែសម្រួល៖ វារី

ប្រភព៖ Dailymail

ចុចអាន៖ ពេទ្យ ព្រមានថា ផឹកតែគជ់ អាចកើតជំងឺរ៉ាំរ៉ៃ និងគ្រោះថ្នាក់ធ្ងន់ៗច្រើន