ព័ត៌មានអន្ដរជាតិ

បុត្រីស្ដេចថៃ ព្រះនាង Sirivannavari ប្រារព្ធខួបកំណើតឲ្យសុនខទ្រង់សព្វព្រះទ័យខ្លាំងបំផុត យ៉ាងគគ្រឹកគគ្រេង

បានផុស

១ year មុន

នៅ

ថ្ងៃចន្ទ ៧ សីហា ២០២៣

ដោយ

ព្រះនាង Sirivannavari Nariratana ដែលជាបុត្រីតែម្នាក់គត់របស់ស្ដេចថៃ Maha Vajiralongkorn និង អតីតមហេសី Sujarinee Vivacharawongse បានប្រារព្ធខួបកំណើតឲ្យសុនខដែលទ្រង់សព្វព្រះរាជហឫទ័យខ្លាំងបំផុតយ៉ាងគគ្រឹកគគ្រេងក្នុងព្រះរាជដំណាក់របស់ទ្រង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម Instagram ដែលមានឈ្មោះថា Princesslovepet បានផ្សព្វផ្សាយរូបភាពរបស់ព្រះនាង Maha Chakri Sirindhorn និងព្រះនាង Sirivannavari Nariratana Rajakanya ដោយទ្រង់ទាំងពីរបានរៀបចំកម្មវិធីតូចមួយយ៉ាងសាមញ្ញ តែគគ្រឹកគគ្រេងធំធេង ដើម្បីអបអរសាទរខួបលើកទីមួយនៃថ្ងៃកំណើតរបស់សុនខប្រភេទ Labrador Retriever ដែលមានឈ្មោះថា MI6 ដោយនំមានលក្ខណៈដូចគ្នាទៅនឹងពណ៌រោមរបស់សត្វចិញ្ចឹមដែលព្រះនាងសព្វព្រះទ័យផងដែរ។

យ៉ាងណាមិញ ត្រឹមរូបភាពប៉ុន្មានសន្លឹកជាមួយសត្វសុនខដែលទ្រង់សព្វព្រះរាជហឫទ័យខ្លាំង បានធ្វើឲ្យប្រជានុរាស្ត្រក្រោមឱវាទរបស់បុត្រីស្ដេចថៃ Maha Vajiralongkorn មានការចាប់អារម្មណ៍យ៉ាងខ្លាំងលើសត្វចិញ្ចឹម MI6 ខណៈដែលវាទើបតែមានអាយុ ១ ឆ្នាំទេ ប៉ុន្តែវាគួរឲ្យស្រលាញ់និងឆ្លាតវៃមិនធម្មតានោះឡើយ។

លើសពីនេះទៀត ព្រះនាង Sirivannavari Nariratana បានសរសេរខេបសិនដើម្បីអបអរសត្វចិញ្ចឹមរបស់ទ្រង់ថា “ខ្ញុំពិតជាសព្វព្រះរាជហឫទ័យខ្លាំង នៅពេលដែលខ្ញុំឃើញអាហារដែលបុគ្គលិកបានរៀបចំសម្រាប់ខ្ញុំសោយនាពេលនេះជាមួយសត្វចិញ្ចឹមរបស់ខ្ញុំ”៕