ព័ត៌មានអន្ដរជាតិ
អ៊ុយក្រែន ថា លោក ហ្សេលេនស្គី នឹងចរចាជាមួយ រុស្ស៊ី តែគ្មានថ្ងៃចរចាជាមួយលោក ពូទីន ឡើយ
រដ្ឋមន្ត្រីការបរទេសអ៊ុយក្រែន លោក Dmitry Kuleba បាននិយាយនៅក្នុងបទសម្ភាសន៍មួយជាមួយសារព័ត៌មានអ៊ីតាលី Corriere della Sera កាលពីថ្ងៃព្រហស្បតិ៍ ទី១០ ខែសីហាថា ប្រសិនបើទីក្រុងកៀវ សម្រេចចិត្តចរចាមែននោះ ខ្លួននឹងចរចាជាមួយទីក្រុងមូស្គូ ប៉ុន្តែមិនចរចាជាមួយប្រធានាធិបតីរុស្ស៊ី វ្ល៉ាឌីមៀរ ពូទីន ឡើយ ។
លោក Kuleba បានប្រាប់អ្នកសារព័ត៌មានតាមទូរស័ព្ទថា “លោក ពូទីន បានប្រព្រឹត្តឧក្រិដ្ឋកម្មធ្ងន់ធ្ងរខ្លាំងពេកហើយ។ ច្បាស់ណាស់សម្រាប់ពួកយើងដែរថា យើងនឹងមិនអាចឃើញលោកពូទីន និងប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី អង្គុយនៅតុតែមួយនោះទេ។ យើងអាចចរចាជាមួយរុស្ស៊ី ក្រោយពួកគេដកទ័ពចេញពីទឹកដីរបស់យើង ប៉ុន្តែមិនមែនចរចាជាមួយលោក ពូទីន ឡើយ”។
នៅពេលសួរថាតើនេះមានន័យថា ជាការរីកកាន់តែធំនៃជម្លោះមែនទេ? លោក Kuleba បានអះអាងថា “រឿងអាក្រក់បំផុតបានកើតឡើងរួចទៅហើយ យើងគ្មានអ្វីត្រូវភ្ញាក់ផ្អើលទៀតទេ”។
គួរបញ្ជាក់ជាថ្មី ថ្ងៃទី២៤ ខែកុម្ភៈ ឆ្នាំ២០២២ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបើកការវាយលុកប្រទេសអ៊ុយក្រែន ពីបីទិស គឺខាងជើង ខាងកើត និងខាងត្បូង។ លោកនិយាយថា “ប្រតិបត្តិការយោធាពិសេស” នេះ គឺសំដៅលើភាពគ្មានយោធា និងលុបបំបាត់មនោគមន៍វិជ្ជាណាស៊ីរបស់អ៊ុយក្រែន ដើម្បីការពារជនជាតិរុស្សី ការពារសមាជិកភាពណាតូរបស់ទីក្រុងកៀវ និងដាក់អ៊ុយក្រែននៅក្រោមឥទ្ធិពលរបស់រុស្ស៊ី។
យ៉ាងណាក្តី អ៊ុយក្រែន និងលោកខាងលិចនិយាយថា វាជាទង្វើខុសច្បាប់នៃការលុកលុយប្រឆាំងនឹងប្រទេសមួយ ដែលមានរដ្ឋាភិបាលជាប់ឆ្នោតតាមបែបប្រជាធិបតេយ្យ និងប្រឆាំងប្រធានាធិបតីជ្វីហ្វ ដែលមានសាច់ញាតិ ស្លាប់នៅក្នុងសោកនាដកម្ម Holocaust៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន រារាំងផែនការ រុស្ស៊ី ដែលព្យាយាម សម្លាប់ លោក Zelensky
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ