Connect with us

ព័ត៌មានអន្ដរជាតិ

តម្លៃ​ប្រេងលើ ពិភពលោក បន្តហក់ឡើងបន្ថែមទៀត

បានផុស

នៅ

តម្លៃប្រេងអន្តរជាតិ​បន្តប្រែប្រួលតម្លៃបន្ថែមទៀតកាលពីថ្ងៃព្រហស្បតិ៍ បន្ទាប់ពីកើនឡើងអស់រយៈពេលជាច្រើនខែ​​​ ស្របពេលដែលប្រទេសផលិតប្រេងកំពូលៗបន្តកាត់បន្ថយការផលិតផល ។

ប្រេងឆៅអន្តរជាតិម៉ាក Brent បានជួញដូរនៅតម្លៃ ៨៧.៦៩ ដុល្លារក្នុងមួយបារ៉ែលដែលជាការកើនឡើង ០.១៦ ភាគរយ បើប្រៀបធៀបនឹងតម្លៃដែលដាក់លក់កាលពីថ្ងៃពុធគឺ​ ៨៧.៥៥ ដុល្លារក្នុងមួយបារ៉ែល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកចំពោះតម្លៃប្រេងឆៅរបស់ក្រុមហ៊ុនអាមេរិក WTI វិញ ដែលបានជួញដូរក្នុងពេលតែមួយជាមួយប្រេងឆៅម៉ាក Brent គឺលក់ក្នុងនៅតម្លៃ ៨៤.៤៨ ដុល្លារក្នុងមួយបារ៉ែល កើនឡើង ០.០៩ ភាគរយ ខណៈតម្លៃលក់កាលពីថ្ងៃពុធគឺត្រឹម ៨៤.៤០ ដុល្លារប៉ុណ្ណោះក្នុងមួយបារ៉ែល ។

បើតាមទិន្នន័យដែលចេញផ្សាយដោយរដ្ឋបាលព័ត៌មានថាមពលអាមេរិក (EIA) បានឲ្យដឹងថា គិតត្រឹមថ្ងៃទី៤ ខែសីហា ស្តុកប្រេងឆៅពាណិជ្ជកម្មក្នុងប្រទេសបានកើនឡើងចំនួន ៥.៩ លានបារ៉ែល ស្របពេលតម្រូវការប្រើប្រាស់ក៏ហក់ឡើងខ្ពស់ ។

ស្របពេលជាមួយគ្នានេះ ការនាំចូលប្រេងឆៅរបស់ចិនកាលពីខែកក្កដាក៏បានធ្លាក់ចុះ ១៨.៨ ភាគរយ មកនៅប្រហែល ១០.២៩ លានបារ៉ែលក្នុងមួយថ្ងៃ ខណៈសន្ទស្សន៍តម្លៃអ្នកផលិត និងសន្ទស្សន៍តម្លៃទំនិញប្រើប្រាស់ចិន បានធ្លាក់ចុះលើសពីការរំពឹងទុក និងបង្កើនការព្រួយបារម្ភផងដែរ ។

គួរឲ្យដឹងថា តម្លៃប្រេងឆៅ Brent បានឡើងដល់កម្រិតខ្ពស់បំផុត ចាប់តាំងពីថ្ងៃទី២៧ ខែមករា ដោយសារតែការរឹតបន្តឹងការផ្គត់ផ្គង់សកល ខណៈដែលអារ៉ាប៊ីសាអូឌីត និងរុស្ស៊ីបានដាក់កម្រិតទិន្នផល និងរឹតបន្តឹងការនាំចេញរហូតដល់ខែកញ្ញា ជាមួយនឹងលទ្ធភាពនៃការកាត់បន្ថយបន្ថែមទៀតនាពេលអនាគត ៕

ប្រែសម្រួល៖ នាង​ រតនៈ

ប្រភព៖ Anadolu

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ២ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៥ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានជាតិ៥ ម៉ោង មុន

អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា

ក្រុងប៉ោយប៉ែត
សន្តិសុខសង្គម៥ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

Sokha Hotels

ព័ត៌មានពេញនិយម