ព័ត៌មានអន្ដរជាតិ
អេក្វាឌ័រ ចាប់បានជនបរទេសមួយក្រុម ពាក់ព័ន្ធការធ្វើឃាត បេក្ខជនប្រធានាធិបតី
មនុស្សចំនួន៦នាក់ ដែលត្រូវបានចាប់ខ្លួនពាក់ព័ន្ធនឹងការសម្លាប់បេក្ខជនប្រធានាធិបតីអេក្វាឌ័រ Fernando Villavicencio គឺសុទ្ធសឹងជាជនជាតិកូឡុំប៊ី ខណៈជនសង្ស័យទី៧ ដែលស្លាប់ដោយសាររបួស ក្នុងការបាញ់តដៃជាមួយប៉ូលិសកាលពីថ្ងៃព្រហស្បតិ៍ទី១០ខែសីហា ក៏ជាជនជាតិកូឡុំប៊ីដែរ។

លោក Villavicencio ត្រូវបានគេធ្វើឃាត ក្រោយចាកចេញពីកម្មវិធីនៃយុទ្ធនាការឃោសនាបោះឆ្នោតក្នុងរដ្ឋធានី គីតូហើយបច្ចុប្បន្ន រដ្ឋមន្ត្រីមហាផ្ទៃ Juan Zapata និយាយថា ការស៊ើបអង្កេតរបស់ប៉ូលិសទៅលើព្រឹត្តិការណ៍ដ៏គួរឲ្យស្អប់ខ្ពើមនេះ កំពុងដំណើរការ។
លោក Zapata បានប្រាប់សន្និសីទសារព័ត៌មានថា អ្នកត្រូវចាប់ខ្លួនទាំង៦ មានឈ្មោះ Andres , Jose, Eddy, Camilo, Jules និង Jhon Rodriguez។

លោកបន្ថែមថា ក្នុងប្រតិបត្តិការចុះឆែកឆេរឈានដល់ការចាប់ខ្លួន សមត្ថកិច្ចបានរកឃើញកាំភ្លើងវែង១ដើម កាំភ្លើងយន្ត១ដើម កាំភ្លើងខ្លី៤ដើម គ្រាប់បែកដៃ៣គ្រាប់ គ្រាប់កាំភ្លើង៤ប្រអប់ ម៉ូតូ២គ្រឿង និងរថយន្ត១គ្រឿងដែលក្រុមនេះលួចពីគេ។
គួរបញ្ជាក់ថា លោក Villavicencio គឺជាបេក្ខជនប្រធានាធិបតីមួយរូបក្នុងចំណោមបេក្ខជនប្រធានាធិបតីមួយចំនួន ដែលរងការចោទប្រកាន់ពាក់ព័ន្ធអំពើពុករលួយ។
ទោះបីជាយ៉ាងណាក៏ដោយ លោកប្រធានាធិបតី Guillermo Lasso អះអាងថា ករណីឃាតកម្មនេះ គឺជាការប៉ុនប៉ងដើម្បីបំផ្លិចបំផ្លាញការបោះឆ្នោត។ លោកគូសបញ្ជាក់ថា ការបោះឆ្នោតនឹងប្រព្រឹត្តទៅតាមការគ្រោងទុកនៅថ្ងៃទី២០ខែសីហា ថ្វីបើប្រទេសកំពុងស្ថិតក្នុងភាពអាសន្នក៏ដោយ៕
ប្រែសម្រួល៖ Vann Vann
ប្រភព៖ BBC
ចុចអាន៖ បេក្ខជនប្រធានាធិបតី អេក្វាឌ័រ ត្រូវគេធ្វើឃាត ក្នុងយុទ្ធនាការឃោសនាបោះឆ្នោត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ