បុត្រាស្ដេចថៃដែលទើបយាងចូលប្រទេស មានបន្ទូលពាក់ព័ន្ធនឹងគេចោទទ្រង់ថា យាងជួបជាមួយបក្សភឿថៃ

ការ​យាងត្រលប់ចូលប្រទេស​ថៃរបស់​បុត្រា Vacharaesorn Vivacharawongse បាន​ធ្វើ​ឲ្យ​ប្រជាជនក្នុងប្រទេសមានការភ្ញាក់ផ្អើលយ៉ាងខ្លាំង ជាពិសេស​ប្រព័ន្ធ​ផ្សព្វផ្សាយ​ធំៗ​ សុទ្ធតែនឹកស្មានមិនដល់​នឹង​ការបង្ហាញវត្តមានរបស់ទ្រង់លើទឹកដីកំណើត។

យ៉ាងណាមិញ ការវិលមកវិញរបស់ទ្រង់​ក៏​បាន​បញ្ជាក់​ឲ្យដឹងថា​ គ្រាន់តែក្នុងគោលបំណង​ធម្មតា​ប៉ុណ្ណោះ! ខណៈ​ដែលកាលពេលថ្មីៗនេះ​ លោក somsak jeamteerasakul បានសរសេរលើ​បណ្ដាញ​អ៊ីនធឺណិត​ថា “ថ្ងៃនេះ​បុត្រា Watcharesorn Wiwatcharawong មានកម្មវិធី​ជួបជុំ​ញ៉ាំ​អាហារ​ជាមួយ​មនុស្ស​ក្នុង​គណបក្ស​ភឿថៃ ​នៃ​តំបន់​ Sukhumvit” ។

ភ្លាមៗនោះដែរ បុត្រ​ច្បង​ទី​ពីរ​របស់​ព្រះ​មហាក្សត្រ Maha Vajiralongorn ស្រាប់​តែប្រតិកម្មតបត​ទៅ​កាន់​លោក​ភ្លាមៗ​ដោយឥតបង្អង់យូរថា “ខ្ញុំត្រូវតែសុំទោស! វាមិនពិតទាល់តែ​សោះ។ ខ្ញុំ​មិន​ពាក់ព័ន្ធ​នឹង​រឿង​នយោបាយ​ទេ”។

ក្រោយមក​ លោក somsak jeamteerasakul បាន​បង្ហោះ​សារ​សុំទោស ​បន្ទាប់​ពីបុត្រាអង្គនេះប្រកែក​ថា​ទ្រង់​មិន​បាន​ជួប​ជុំ​គ្នា​ទទួលទាន​អាហារ​ជាមួយ​គណបក្ស​ភឿថៃ ដូចដែលគេ​ចោទ​ទ្រង់ឡើយ។ ហើយប្រជាជនក៏សុទ្ធតែដឹងថាដំណើរយាងមកដល់ទឹកដីកំណើតរបស់ទ្រង់គឺដោយសារតែនឹករលឹកនិងចង់​ស្វែងយល់​បន្ថែម​អំពី​វប្បធម៌ និង​បន្ត​ផ្សព្វផ្សាយ​នៅ​បរទេសតែប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព៖today N thethaiger

ចុចអាន៖ការយាងចូលមកមាតុភូមិរបស់បុត្រាស្ដេច ថៃ ដែលគង់និរទេស២៧ឆ្នាំ បង្កើតភាពភ្ញាក់ផ្អើលពីសារព័ត៌មានពិភពលោក