ស្ត្រីវៀតណាម​ម្នាក់​ដាច់​ម្រាម​ដៃ ដោយសារផ្ទុះទូរស័ព្ទពេលកំពុងលេង

កាលពីថ្ងៃពុធ ទី៩ ខែសីហា ស្ត្រីវ័យ ៣៧ ឆ្នាំម្នាក់មកពីខេត្ត Bac Giang ភាគខាងជើងប្រទេសវៀតណាមបានដាច់ម្រាមដៃ និងរបួសភ្នែក បន្ទាប់ពីទូរស័ព្ទរបស់នាងផ្ទុះខណៈពេលកំពុងលេងបណ្ដើរសាកថ្មបណ្ដើរ ។

ចំពោះឧប្បត្តិហេតុផ្ទុះទូរស័ព្ទ មន្ទីរពេទ្យមិត្តភាពវៀតណាមអាល្លឺម៉ង់នៅទីក្រុងហាណូយតែងទទួលព្យាបាលជនរងគ្រោះភ្លាមៗ ។

លោកវេជ្ជបណ្ឌិត Nguyen Trong Tai បានឲ្យដឹងថា អ្នកជំងឺកំពុងសម្រាកព្យាបាលមុខរបួស នាងខូចភ្នែកខាងស្តាំ ដាច់ម្រាមដៃនៅដៃស្តាំ របួសបំពង់ក និងរបួសជាច្រើនកន្លែងទៀត ។ លោកបន្តទៀតថា នារីរងគ្រោះមានស្ថិរភាពបន្ទាប់ពីការវះកាត់ ចំណែកឯការបាត់បង់ម្រាមដៃនឹងកាត់បន្ថយសមត្ថភាពពលកម្មរបស់នាងផងដែរ ។

ក្នុងរយៈពេល ២ ឆ្នាំកន្លងមកនេះ មន្ទីរពេទ្យមិត្តភាពវៀតណាមអាល្លឺម៉ង់បានទទួលព្យាបាលអ្នកជំងឺដែលមានរបួសដោយសារតែផ្ទុះទូរស័ព្ទចំនួន ៥ នាក់ហើយ ។

យ៉ាង​ណា​មិញ លើក​នេះ​គឺជាករណី​ធ្ងន់ធ្ងរ​បំផុត​ដែល​មន្ទីរពេទ្យមិនធ្លាប់ជួបប្រទះពីមុនមក ​។ ជាចុងក្រោយ វេជ្ជបណ្ឌិត​ Tai សូមដាស់តឿនគ្រប់គ្នាថា ចៀសវាងការប្រើទូរស័ព្ទអំឡុងពេលសាកថ្ម ដើម្បីការពារការផ្ទុះ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ វៀតណាមកម្ទេចឧបករណ៍អេឡិចត្រូនិករាប់ពាន់គ្រឿង តម្លៃខ្ទង់ម៉ឺនដុល្លារ