ព័ត៌មានអន្ដរជាតិ
បក្សភឿថៃ នឹងបញ្ចូលបក្សលោក ប្រាយុទ្ធ និងលោក ប្រាវីដ ចូលក្នុងក្រុមចម្រុះដើម្បីបង្កើតរដ្ឋាភិបាលថ្មី
អនុប្រធានគណបក្សភឿថៃលោក Phumtham Wechayachai បាននិយាយកាលពីថ្ងៃសុក្រថា ទីបំផុតគណបក្សរបស់លោកនឹងត្រូវបញ្ចូលគណបក្សនយោបាយចំនួន ២ ទៀតដែលមានទំនាក់ទំនងជាមួយអតីតមេដឹកនាំយោធា ចូលទៅក្នុងរដ្ឋាភិបាលចម្រុះ ដើម្បីអាចបង្កើតរដ្ឋាភិបាលថ្មី ។
ទន្ទឹមនោះ នៅពេលអ្នកសារព័ត៌មានសួរថាតើរដ្ឋាភិបាលដឹកនាំដោយគណបក្សភឿថៃនឹងត្រូវការគណបក្សប៉ាឡាង ប្រាឆារ៉ាត់ និងបក្សថៃរួបរួមជាតិ ដើម្បីធានាស្ថិរភាពបង្កើតរដ្ឋាភិបាលថ្មីឬយ៉ាងណា?, លោក Phumtham បានលើកឡើងថា ផ្លូវនយោបាយរបស់យើងនៅពេលនេះ គឺច្បាស់ណាស់ នឹងដើរទៅតាមគន្លងបែបនេះ ។
បច្ចុប្បន្នគណបក្សប៉ាឡាង ប្រាឆារ៉ាត់ ដឹកនាំដោយឧបនាយករដ្ឋមន្ត្រីចាំផ្ទះ គឺលោកឧត្តមសេនីយ៍ ប្រាវីដ វង់ស៊ូវ៉ាន់ ខណៈឯបក្សថៃរួបរួមជាតិវិញ បន្តដាក់នាយករដ្ឋមន្ត្រីផុតអាណត្តិលោក ប្រាយុទ្ធ ចាន់អូចា ជាបេក្ខភាពនាយករដ្ឋមន្ត្រីរបស់ខ្លួនដដែល បើទោះបីជាថ្មីៗនេះ លោក ប្រាយុទ្ធ បានប្រកាសចូលនិវត្តន៍ពីឆាកនយោបាយក៏ដោយ ។
ពាក់ព័ន្ធនឹងបញ្ហានេះដែរ លោក Pai Leeke សមាជិកសភារបស់គណបក្សប៉ាឡាង ប្រាឆារ៉ាត់ ដែលមានអាសនៈចំនួន ៤០ នៅក្នុងសភាក៏បានបញ្ជាក់ផងដែរថា សមាជិកទាំងអស់របស់បក្សបានយល់ព្រមជាគោលការណ៍រួមគ្នារួចហើយ ដើម្បីគាំទ្របេក្ខភាពនាយករដ្ឋមន្ត្រីនៃបក្សភឿថៃ ព្រោះយើងជឿថា ប្រទេសនេះត្រូវការដ្ឋាភិបាលថ្មីជាបន្ទាន់ ។
ប៉ុន្តែទោះជាយ៉ាងណា រហូតមកដល់ពេលនេះ ខាងគណបក្សរបស់កូនស្រីលោក ថាក់ស៊ីន មួយនេះមិនទាន់មកចរចាជាមួយគណបក្សដែលដឹកនាំដោយលោក ប្រាយុទ្ធ និងលោក ប្រាវីដ ដើម្បីចូលរួមជាមួយសម្ព័ន្ធភាពក្រុមចម្រុះនៅឡើយទេ ។
ឥឡូវនេះ បក្សភឿថៃប្រកាសប្រមែប្រមូលបានគណបក្សចំនួន ៨ ហើយចូលក្នុងក្រុមចម្រុះ ក្នុងនោះមានគណបក្សភូមិចៃថៃ, ប្រាឆាឆាត, សេរីរួមថៃ, ភឿថៃ រួមប៉ាឡាំង, ប៉ាឡាំងសង្គមម៉ៃ, គណបក្សស្រុកថៃ, ឆាតផាតាណាខ្លា និងគណបក្សឆាតថៃផាតាណា ហើយបើបូកចូលគ្នាមានសមាជិកសភាសរុបចំនួន ២៣៨ នៅក្នុងសភាដែលមាន ៥០០ អាសនៈ ។
គួរបញ្ជាក់ថា បើមិនមានអ្វីប្រែប្រួលទេនោះ សម័យប្រជុំរួមគ្នានៃរដ្ឋសភា និងព្រឹទ្ធសភាថៃដើម្បីបោះឆ្នោតជ្រើសរើសនាយករដ្ឋមន្ត្រីទី ៣០ របស់ប្រទេស អាចនឹងប្រព្រឹត្តទៅចន្លោះថ្ងៃទី១៨ ឬថ្ងៃទី១៩ ខែសីហា ពោលរយៈពេល ៣ ថ្ងៃ ក្រោយតុលាការធម្មនុញ្ញធ្វើសេចក្ដីសម្រេចលើញត្តិទាក់ទងនឹងការបន្ត ឬដកសិទ្ធិលោក Pita លែងឲ្យឈរឈ្មោះជានាយករដ្ឋមន្ត្រីឬយ៉ាងណា ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ សមាជិកសភាមកពីបក្សលោក ប្រាវីដ ប្រកាសបោះឆ្នោតគាំទ្របេក្ខភាពនាយករដ្ឋមន្ត្រីរបស់ បក្សភឿថៃ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា