ព័ត៌មានអន្ដរជាតិ
ក្រៅពីមនុស្សស្លាប់, ភ្លើងឆេះព្រៃនៅហាវ៉ៃ បំផ្លាញអគារ២២០០ និងខូចខាតក្នុងទំហំទឹកប្រាក់ ៦ពាន់លានដុល្លារ
អភិបាលរដ្ឋ ហាវ៉ៃ លោក Josh Green បាននិយាយនៅក្នុងសន្និសីទសារព័ត៌មានមួយថា ក្រៅពីមនុស្សស្លាប់ជិត១០០នាក់ អគារប្រហែល២២០០ ត្រូវបានបំផ្លាញនៅភាគខាងលិចកោះ Maui ខណៈទំហំខូចខាតមានរហូតដល់ទៅ៦ពាន់លានដុល្លារ។

យោងតាមសមាគមការពារជាតិ, ចំនួនមនុស្សស្លាប់ច្រើនបែបនេះ បានធ្វើឲ្យគ្រោះមហន្តរាយនេះ ក្លាយជាភ្លើងឆេះព្រៃសម្លាប់មនុស្សស្លាប់ច្រើនបំផុតនៅសហរដ្ឋអាមេរិក ក្នុងរយៈពេលជាងមួយសតវត្សរ៍ចុងក្រោយ។
ភ្លើងឆេះយ៉ាងសន្ធោសន្ធៅពេញមួយសប្តាហ៍មុន ក៏បានបំផ្លាញរមណីយដ្ឋានប្រវត្តិសាស្ត្រ Lahaina របស់កោះនេះផងដែរ។
លោក Josh Green និយាយថា “វាគឺជាគ្រោះមហន្តរាយធម្មជាតិធំបំផុត ដែលយើងមិនធ្លាប់ជួបប្រទះ។ វាក៏នឹងក្លាយជាគ្រោះមហន្តរាយធម្មជាតិ ដែលនឹងត្រូវការពេលវេលាដ៏ច្រើនមិនគួរឲ្យជឿក្នុងការស្តារឡើងវិញផងដែរ”។

លោកព្រមានថា ចំនួនអ្នកស្លាប់ អាចកើនឡើងច្រើនទៀត ខណៈការងារធ្វើកោសល្យវិច្ច័យនៅតែបន្ត ដើម្បីកំណត់អត្តសញ្ញាណជនរងគ្រោះ។
ស្របពេលជាមួយគ្នានោះ ក្រុមហ៊ុនច្បាប់ជាច្រើន បានប្រកាសពីផែនការដើម្បីចាត់វិធានការផ្លូវច្បាប់ ប្រឆាំងនឹងក្រុមហ៊ុនអគ្គិសនី Hawaiian Electric ដោយអះអាងថា ក្រុមហ៊ុនផ្គត់ផ្គង់ថាមពលដ៏ធំបំផុតរបស់រដ្ឋមួយនេះ បានបង្កកំហុស ព្រោះពួកគេមិនបានកាត់ផ្តាច់ចរន្តពេលមានអគ្គិភ័យ ជាហេតុធ្វើឲ្យភ្លើង រាលដាលកាចសាហាវបែបនេះ។
ទន្ទឹមនោះ អ្នកនៅលើកោះបានប្រាប់ BBC ថា មិនមានការបន្លឺស៊ីរ៉ែនប្រកាសអាសន្នអំពីភ្លើងឆេះព្រៃឡើយ ដែលនេះជាហេតុធ្វើឲ្យមនុស្សជាច្រើនមិនបានត្រៀមខ្លួន ជាមួយគ្រោះថ្នាក់៕
ប្រែសម្រួល៖ Vann Vann
ប្រភព៖ RT
ចុចអាន៖ មនុស្សស្លាប់ដោយសារភ្លើងឆេះព្រៃនៅ ហាវ៉ៃ កើនដល់ជិត ១០០នាក់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ