Connect with us

ព័ត៌មានអន្ដរជាតិ

លោក គីម ជុងអ៊ុន បញ្ជាឲ្យផលិតមីស៊ីលបន្ថែមមុនសមយុទ្ធ កូរ៉េខាងត្បូង-អាមេរិក

បានផុស

នៅ

ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃចន្ទទី១៤ខែសីហាថា មេដឹកនាំកូរ៉េខាងជើង លោក គីម ជុងអ៊ុន បានអំពាវនាវឲ្យបង្កើនការផលិតមីស៊ីល ដើម្បីជួយធានាអំណាចយោធាដ៏លើសលប់ និងត្រៀមខ្លួនសម្រាប់សង្គ្រាម ខណៈកូរ៉េខាងត្បូងនិងសហរដ្ឋអាមេរិក រៀបចំធ្វើសមយុទ្ធយោធាប្រចាំឆ្នាំ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គីម បានបញ្ជាបែបនេះ ខណៈលោកទៅពិនិត្យមើលរោងចក្រសព្វាវុធ ដែលផលិតមីស៊ីលយុទ្ធសាស្ត្រ ជើងទម្របាញ់មីស៊ីល រថពាសដែក និងគ្រាប់កាំភ្លើងធំ។

ហើយដំណើរនេះ កើតឡើងត្រឹមប៉ុន្មានថ្ងៃប៉ុណ្ណោះ មុនពេលកូរ៉េខាងត្បូងនិងសហរដ្ឋអាមេរិកចាប់ផ្តើមធ្វើសមយុទ្ធយោធាប្រចាំឆ្នាំ ដែលទីក្រុងព្យុងយ៉ាងមើលឃើញថា ជាការហាត់សមសម្រាប់សង្គ្រាម។

នៅរោងចក្រផ្សេងទៀត លោក គីម បានត្រួតពិនិត្យនិងបើករថពាសដែកស៊េរីថ្មី ហើយបានសរសើរពីវឌ្ឍនភាពថ្មីៗក្នុងការធ្វើទំនើបកម្មខ្សែសង្វាក់ផលិតកម្មសម្រាប់គ្រាប់រ៉ុកកែត។

(រូបថត៖ The Star)

លោក គីម និយាយថា “កងទ័ពរបស់យើង ត្រូវតែធានាឲ្យបានហ្មត់ចត់ នូវអំណាចយោធាដ៏លើសលប់ និងការត្រៀមខ្លួនយ៉ាងរឹងមាំ ដើម្បីដោះស្រាយជាមួយសង្រ្គាមនៅពេលណាមួយ កុំឲ្យសត្រូវហ៊ានប្រើកម្លាំង ហើយសត្រូវនឹងវិនាស ប្រសិនបើសង្គ្រាមកើតឡើងមែន”។

គួរបញ្ជាក់ថា កូរ៉េខាងត្បូងនិងសហរដ្ឋអាមេរិក បានប្រកាសធ្វើសមយុទ្ធរដូវក្តៅ Ulchi Freedom Guardian នៅថ្ងៃទី២១ខែសីហាដល់ថ្ងៃទី៣១ខែសីហា ដើម្បីបង្កើនសមត្ថភាពរបស់ពួកគេ ក្នុងការឆ្លើយតបទៅនឹងការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង។

សមយុទ្ធនៅឆ្នាំនេះ នឹងធ្វើឡើងក្នុងទ្រង់ទ្រាយធំបំផុតមិនធ្លាប់មាន ដោយមានការប្រមូលផ្តុំកងទ័ពរាប់ម៉ឺននាក់ពីភាគីទាំងសងខាង ក៏ដូចជារដ្ឋជាសមាជិកមួយចំនួននៃបញ្ជាការដ្ឋានអង្គការសហប្រជាជាតិផងដែរ៕

ប្រែសម្រួល៖ Vann Vann

ប្រភព៖ CNA

ចុចអាន៖ ត្រឹមជាង ៤ ម៉ោង កូរ៉េខាងជើង ជួបគ្រោះរញ្ជួយដី ២ លើកនៅជិតទីតាំង សាកល្បងនុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទីutes មុន

អភិបាលរាជធានី ណែនាំឱ្យបើកយុទ្ធនាការចុះបាញ់ថ្នាំសម្លាប់មូសជាលើកទី២ នៅក្នុងមូលដ្ឋានរាជធានីភ្នំពេញ

Moon Jae-in
ព័ត៌មានអន្ដរជាតិ២៤ នាទីutes មុន

អតីតស្រ្តីទីមួយ កូរ៉េខាងត្បូង រួចទោសទណ្ឌ ២ ករណីផ្សេងគ្នាទាំងនៅ ឥណ្ឌា និងបារាំង

សន្តិសុខសង្គម៤៦ នាទីutes មុន

សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម

រថយន្ត Tesla
ព័ត៌មានអន្ដរជាតិ៥៩ នាទីutes មុន

ការលក់រថយន្ត Tesla ផលិតនៅចិន ធ្លាក់ចុះជាង ១០ ភាគរយ ខែមុន

ព័ត៌មានជាតិ១ ម៉ោង មុន

មគ្គុទេសក៍ទេសចរ និងភ្ញៀវអន្តរជាតិ ថា ការលក់សំបុត្រចូលប្រាសាទអង្គរវត្តបែបឌីជីថលមានភាពងាយស្រួលខ្លាំង

មីនតោន
សន្តិសុខសង្គម២២ ម៉ោង មុន

អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស

ព័ត៌មានអន្ដរជាតិ៥ ម៉ោង មុន

ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់

សន្តិសុខសង្គម២៣ ម៉ោង មុន

របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍

ព័ត៌មានអន្ដរជាតិ២៣ ម៉ោង មុន

អ្នកទោសស្រីជាង១៥០នាក់ ត្រូវបានរំលោភ និងដុតទាំងរស់ ក្នុង​ហេតុការណ៍​ហែកគុក​នៅ​កុងហ្គោ

ព័ត៌មានជាតិ២២ ម៉ោង មុន

បុគ្គលតាំងខ្លួនជាលោក ​ស៊ិន ស៊ីសាមុត​ ចាប់​ជាតិ ត្រូវបានសមត្ថកិច្ចឃាត់ខ្លួនបញ្ជូនទៅតុលាការ ពាក់ព័ន្ធការញុះញង់

Sokha Hotels

ព័ត៌មានពេញនិយម