ភ្លើងឆេះព្រៃសាហាវបំផុតទាំង១០ ក្នុងប្រវត្តិសាស្ត្រពិភពលោក

គ្រោះមហន្តរាយនៅរដ្ឋហាវ៉ៃ បានក្លាយជាភ្លើងឆេះព្រៃ សម្លាប់មនុស្សស្លាប់ច្រើនបំផុតនៅសហរដ្ឋអាមេរិក ក្នុងរយៈពេលជាងមួយសតវត្សរ៍មកនេះ។

គិតត្រឹមព្រឹកថ្ងៃចន្ទទី១៤ខែសីហា មនុស្សចំនួន៩៣នាក់ ត្រូវបានបញ្ជាក់ថាស្លាប់ ដោយសារអគ្គិភ័យនៅលើកោះ Maui ដែលបានលេបត្របាក់ទីក្រុងប្រវត្តិសាស្ត្រ Lahaina។

ទោះបីជាយ៉ាងណាក៏ដោយ នេះមិនមែនជាភ្លើងឆេះព្រៃសាហាវបំផុតនៅក្នុងប្រវត្តិសាស្រ្តពិភពលោកនោះទេ ពោលគឺមានភ្លើងឆេះព្រៃផ្សេង ដែលសាហាវជាងនេះទៅទៀត។

ដូចនេះ កម្ពុជាថ្មី សូមបង្ហាញជូនលោកអ្នក នូវភ្លើងឆេះព្រៃចំនួន១០ ដែលសម្លាប់មនុស្សច្រើនបំផុត ក្នុងប្រវត្តិសាស្រ្តពិភពលោក៖

១. ភ្លើងឆេះព្រៃ Peshtigo ៖ ថ្ងៃទី៨ ខែតុលា ឆ្នាំ១៨៧១ នៅរដ្ឋ Wisconsin សហរដ្ឋអាមេរិក សម្លាប់មនុស្សយ៉ាងតិច ១៥០០នាក់។

២. ភ្លើងឆេះព្រៃ Great Michigan ៖ ថ្ងៃទី៨ ខែតុលា ឆ្នាំ១៨៧១ នៅរដ្ឋ Michigan សហរដ្ឋអាមេរិក សម្លាប់មនុស្ស ៤៨២នាក់។

៣. ភ្លើងឆេះព្រៃ Cloquet ៖ ថ្ងៃទី១០ដល់១២ ខែតុលា ឆ្នាំ១៩១៨ នៅរដ្ឋ Minnesota សហរដ្ឋអាមេរិក សម្លាប់មនុស្ស ៤៥៣នាក់។

៤. ភ្លើងឆេះព្រៃ Great Hinckley ៖ ថ្ងៃទី១ ខែកញ្ញា ឆ្នាំ១៨៩៤ នៅរដ្ឋ Minnesota សហរដ្ឋអាមេរិក សម្លាប់មនុស្ស ៤១៨នាក់។

៥. ភ្លើងឆេះព្រៃ Great Chicago ៖ ថ្ងៃទី៨ដល់១០ ខែតុលា ឆ្នាំ១៩៧១ នៅរដ្ឋ Illinois សហរដ្ឋអាមេរិក សម្លាប់មនុស្ស ២៩០នាក់។

៦. ភ្លើងឆេះព្រៃ Thump ៖ ថ្ងៃទី៣១ខែសីហា ដល់ថ្ងៃទី ៥ខែកញ្ញា ឆ្នាំ១៨៨១ នៅរដ្ឋ Michigan សហរដ្ឋអាមេរិក សម្លាប់មនុស្ស ២៨២នាក់។

៧. ភ្លើងឆេះព្រៃឥណ្ឌូណេស៊ី ៖ ខែឧសភាឆ្នាំ១៩៩៧ ដល់ខែមីនា ឆ្នាំ១៩៩៨ នៅកោះ Borneo និង Sumatra ប្រទេសឥណ្ឌូណេស៊ី សម្លាប់មនុស្ស ២៤០នាក់។

៨. ភ្លើងឆេះព្រៃនាគខ្មៅ ៖ ថ្ងៃទី៦ ខែឧសភា ឆ្នាំ១៩៨៧ ដល់ថ្ងៃទី២ ខែមិថុនា ឆ្នាំ១៩៨៧ នៅខេត្ត Heilongjiang ប្រទេសចិន និងតំបន់ Amur Oblast សហភាពសូវៀត (បច្ចុប្បន្នជារុស្ស៊ី)សម្លាប់មនុស្ស ១៩១នាក់។

៩. ភ្លើងឆេះព្រៃថ្ងៃសៅរ៍ពណ៌ខ្មៅ ៖ ថ្ងៃទី៧ ខែកុម្ភៈ ឆ្នាំ២០០៩ ដល់ថ្ងៃទី១៤ ខែមីនា ឆ្នាំ២០០៩ នៅរដ្ឋ Victoria ប្រទេសអូស្រ្តាលី សម្លាប់មនុស្ស ១៧៣នាក់។

១០. ភ្លើងឆេះព្រៃ Attica ៖ ថ្ងៃទី២៣ដល់ថ្ងៃទី២៦ ខែកក្កដា ឆ្នាំ២០១៨ នៅតំបន់ Attica ប្រទេសក្រិក សម្លាប់មនុស្ស ១០២នាក់៕

ប្រែសម្រួល៖ Vann Vann

ប្រភព៖ All Top Everything

ចុចអាន៖ ក្រៅពីមនុស្សស្លាប់, ភ្លើងឆេះព្រៃនៅហាវ៉ៃ បំផ្លាញអគារ២២០០ និងខូចខាតក្នុងទំហំទឹកប្រាក់ ៦ពាន់លានដុល្លារ