Connect with us

ព័ត៌មានអន្ដរជាតិ

អង់គ្លេស អាចបង្កើតទាហានយន្ត មើលធ្លុះជញ្ជាំង នៅឆ្នាំ ២០៣០

បានផុស

នៅ

យោងតាមការចុះផ្សាយរបស់គេហទំព័រ Daily Mail, មេទ័ពអង់គ្លេស​ កំពុងបង្ហាញពីគម្រោងអភិវឌ្ឍទាហានជីវសាស្រ្ត ដែលមានថាមពលដូចជាតួអង្គក្នុងខ្សែភាពយន្ត Terminator។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឯកសាររបស់រដ្ឋាភិបាល បានបង្ហាញថា ឧបករណ៍ទំនើបៗ នឹងបង្កើតបានជាកងទ័ពដែលអាចមើលធ្លុះជញ្ជាំង ធ្វើទំនាក់ទំនងតាមរលកធាតុអាកាស ឬរកឃើញសារធាតុគីមីគ្មានក្លិនឬរសជាតិនៅក្នុងខ្យល់ ហើយនៅឆ្នាំ ២០៣០ ទាហានទាំងនោះ ក៏នឹងពាក់ឈុតគ្រឿងយន្ត ដើម្បីការពារពីគ្រាប់កាំភ្លើង និងបង្កើនកម្លាំង និងល្បឿនផងដែរ។

គម្រោងដ៏អស្ចារ្យដែលសហការជាមួយក្រសួងការពារជាតិរបស់ប្រទេសអាល្លឺម៉ង់មួយនេះ បានកើតឡើងចំពេលចក្រភពអង់គ្លេស ព្យាយាមយកឈ្នះប្រទេសចិន ដែលគេដឹងថា ក៏កំពុងមានការអភិវឌ្ឍស្រដៀងគ្នានេះ។

ទន្ទឹមនោះ ឯកសារដែលដាក់ចេញនូវយុទ្ធសាស្ត្ររបស់ក្រសួងការពារជាតិ ក្នុងរយៈពេលប៉ុន្មានឆ្នាំខាងមុខ បាននិយាយថា ខ្លួនកំពុងសម្លឹងមើលទៅមនុស្សយន្ត ការបង្កើនមនុស្ស ពិសោធន៍សារធាតុគីមី និង AI ដើម្បីបង្កើតទាហានពូជថ្មី។

រឿងនេះ បានធ្វើឲ្យគេនឹកឃើញដល់កាលពី៣ឆ្នាំមុន ដែលមេបញ្ជាការយោធាកំពូលអង់គ្លេសនិយាយថា មនុស្សយន្តអាចរួមចំណែក១ភាគ៤ក្នុងជួរកងទ័ព នារយៈពេលប៉ុន្មានឆ្នាំខាងមុខ។

ពេលនោះ លោកឧត្តមសេនីយ៍ Sir Nick Carter បានលើកឡើងថា “ទាហានយន្ត” ចំនួន ៣ ម៉ឺននាក់អាចដើរតួយ៉ាងសំខាន់នៅក្នុងកងកម្លាំងអង់គ្លេសនៅទសវត្សរ៍ឆ្នាំ ២០៣០ ជាពិសេសពួកគេអាចធ្វើការជាមួយកងទ័ពពិតចំនួន ៩ ម៉ឺននាក់ឯណោះ ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អង់គ្លេសត្រៀមដាក់ទាហានយន្ត៣ម៉ឺនគ្រឿងចូលក្នុងជួរកងទ័ពនៅឆ្នាំ២០៣០

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១២ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១០ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៦ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៨ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៩ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម