ព័ត៌មានអន្ដរជាតិ
នារីថៃមួយក្រុម នាំភាពអាម៉ាស់ដល់ប្រទេស ក្រោយរាំដាក់ Tik Tok លើរថភ្លើងនៅជប៉ុន
នារីជនជាតិថៃមួយក្រុម បានបញ្ចេញឃ្លិបរាំលើរថភ្លើងក្នុងប្រទេសជប៉ុន ត្រូវអ្នកលេងអ៉ិនធើណេតជាតិសាសន៍ខ្លួនឯងស្ដីបន្ទោស ខណៈដែលសារព័ត៌មានជប៉ុនបានចុះផ្សាយថា ពួកនាងមិនគោរពជនជាតិពួកគេសូម្បីតែបន្តិចណាឡើយ។
នៅក្នុងបណ្ដាញអ៉ិនធើណេត វីដេអូឃ្លិបរបស់នារីថៃមួយក្រុមនោះត្រូវបានគេចែករំលែកព្រោងព្រាត ដែលពួកគេបានឡើងរថភ្លើងនៅប្រទេសជប៉ុន ប៉ុន្តែបែរជាធ្វើសំលេងរំខាន និងរាំរហូតដល់ជនជាតិជប៉ុននិងជនបរទេសដែលនៅខាងក្រោយ សម្លឹងមើលដោយធុញទ្រាន់។
លើសពីនេះទៀតដែរ នារីក្នុងឃ្លិបមិនខ្វល់ទេ ហើយបន្តថតវីដេអូនោះទៀត។ ទោះបីជាវាជាសុជីវធម៌របស់ប្រជាជនជប៉ុនដោយមានសញ្ញាសុំឲ្យអ្នកប្រើប្រាស់រថភ្លើងបិទសំឡេងទូរស័ព្ទរបស់ពួកគេ ហាមនិយាយ ឬបញ្ចេញសំឡេងខ្លាំងៗ ដែលអាចរំខានដល់អ្នកដំណើរផ្សេងទៀត។
ក្រោយពេលបង្ហោះឃ្លិបនេះ មានអ្នកលេងអ៊ីនធឺណិតថៃជាច្រើនសម្រុកចូលទៅបញ្ចេញមតិស្ដីបន្ទោស និងដាស់តឿន ទាំងនៅក្នុងសុជីវធម៌ពីការរាំនៅលើរថភ្លើង និងអំពីការថតវីដេអូឃ្លិបនៅចំពោះមុខអ្នកដ៏ទៃដោយគ្មានការអនុញ្ញាត ប៉ុន្តែម្ចាស់ឃ្លិបបែរបកមកវិញបញ្ចេញមតិជេរប្រជាជនថៃគ្នាឯង និងជប៉ុន ស្របពេលដែលទីភ្នាក់ងារព័ត៌មានជប៉ុន បានសរសេរក្នុងប្រព័ន្ធផ្សព្វផ្សាយថាជនជាតិថៃបង្កភាពអាម៉ាសដល់ជាតិសាសន៍ខ្លួនឯង។
ទោះយ៉ាងណាក៏ដោយ ក្រោយមានគេជេរស្ដីនិងព្រមានពួកនាង ទើបក្រុមស្រីស្អាតទាំងនោះបានដឹងខុស ហើយបង្ហោះពាក្យសុំទោស អំពីហេតុការណ៍ដែលបានកើតឡើងថា “ខ្ញុំបានរាំនៅលើរថភ្លើងក្នុងប្រទេសជប៉ុន ដោយមិនបានសិក្សាពីច្បាប់នៃការប្រើប្រាស់កន្លែងសាធារណៈឲ្យបានល្អ។ ខ្ញុំសូមអធ្យាស្រ័យដល់ប្រជាជនថៃ និងជប៉ុននៅលើរថភ្លើង ដែលបានថតរូបនៅចំពោះមុខអ្នកដំណើរ។
ក្នុងនោះពួកនាងក៏បានសរសរសំណេរបន្ថែមទៀតថា “ខ្ញុំសុំទោសដែលខ្ញុំបានប្រព្រឹត្តដោយមិនប្រុងប្រយ័ត្ន។ ហើយខ្ញុំសូមអភ័យទោសចំពោះការឆ្លើយតបដោយពាក្យគំរោះគំរើយ និងមិនសមរម្យ ជាមួយនឹងកំហឹង។ ខ្ញុំត្រូវសុំទោសមិត្តភ័ក្តិទាំងអស់ដែលមិនបានពាក់ព័ន្ធនឹងឧបទ្ទវហេតុនេះ។ កន្លែងដែលមនុស្សត្រូវការភាពស្ងប់ស្ងាត់និងគ្មានសំឡេងរំខាន ខ្ញុំនិងមិត្តភ័ក្តិនឹងប្រយ័ត្នប្រយែងជាងនេះ ហើយមិនឲ្យរឿងនេះកើតឡើងទៀតទេ។ ឥឡូវនេះមិត្តភ័ក្ដិខ្ញុំ និងខ្ញុំបានស្ដាប់រាល់ការបញ្ចេញមតិ ហើយកែប្រែ។ សូមអរគុណចំពោះរាល់ការអប់រំ និងមតិយោបល់។ ខ្ញុំសូមអភ័យទោសដល់អ្នករាល់គ្នាទាំងថៃ និងជប៉ុន”៕
ប្រែសម្រួល៖ សាង ស្រីល័ក្ខ
ចុចអាន៖គ្រូបង្រៀនម្នាក់ត្រូវប្រជាជនថៃសុំថត ព្រោះស្មានថាជាលោក ប្រាយុទ្ធ
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១៦ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៨ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក