ស្ត្រី​ម្នាក់​កាត់​ប្រដាប់ភេទអតីត​មិត្ត​ប្រុស​នៅអ៊ីតាលី ដើម្បី​ការពារ​ខ្លួន​ពី​ការ​រំលោភបំពាន

ស្ត្រីម្នាក់បានកាត់​ប្រដាប់ភេទអតីតមិត្តប្រុសរបស់នាងដោយកាំបិត បន្ទាប់ពីគាត់ព្យាយាមរំលោភនាងនៅប្រទេសអ៊ីតាលី ។

ឧបទ្ទវហេតុនេះបានកើតឡើងកាលពីថ្ងៃសៅរ៍ ទី១២ ខែសីហានៅទីក្រុង Venice បន្ទាប់ពីមានការឈ្លោះប្រកែកគ្នារវាងដៃគូអំពីការចិញ្ចឹមកូន ។

យោងតាមគេហទំព័រ la Repubblica បានឱ្យដឹងថា អ្នកទាំងពីរនាក់នេះ គឺជាជនបរទេសដែលរស់នៅក្នុងប្រទេសអ៊ីតាលី និងត្រូវបានគេរាយការណ៍ថាបែកគ្នាមួយរយៈមកហើយ ។

ថ្ងៃមួយ ពួកគេ​បាន​ជួប​គ្នា​នៅ​ផ្ទះនារីជាម្ដាយ​​ចរចាពីការចិញ្ចឹមកូនស្រី ស្រាប់តែ​បុរសនោះចង់រួមភេទដើម្បីស្រុះស្រួលគ្នាវិញ ។

ទោះបីនាងប្រកែកយ៉ាងណា គាត់នៅតែព្យាយាមចាប់បង្ខំដល់ថ្នាក់ខ្ទប់ខ្លួននឹងគ្រឿងសង្ហារិមទាំងអាក្រាតកាយពាក់កណ្ដាលទៀតផង ។ ដោយសារតែពិបាករើបម្រាស់ពេក នាងក៏ទាញកាំបិតយកមកកាត់​ប្រដាប់ភេទអតីតមិត្តប្រុសតែម្ដងទៅ ។

ភ្លាមៗនោះប៉ូលិស និង​រថយន្ត​សង្គ្រោះ​បាន​ប្រញាប់ប្រញាល់​ទៅ​កន្លែង​កើតហេតុ ហើយ​បញ្ជូន​អ្នកទាំងពីរទៅ​មន្ទីរពេទ្យ ។ សំណាងល្អគ្រូពេទ្យជំនាញវះកាត់តម្រងនោមបានដេរភ្ជាប់​ប្រដាប់ភេទវិញដោយជោគជ័យ ៕

ប្រែសម្រួល៖ វារី

ប្រភព៖ Dailymail

ចុចអាន៖ រូបសំណាកនាងមច្ឆានៅ អ៊ីតាលី រងភាពចម្រូងចម្រាស ព្រោះតែស្រើបស្រាលពេក