កូរ៉េខាងជើង ទម្លាយមូលហេតុ ដែលទាហានអាមេរិក រត់ចូលទឹកដីរបស់ខ្លួន

ទីភ្នាក់ងារសារព័ត៌មានរដ្ឋ KCNA បានរាយការណ៍នៅថ្ងៃពុធទី១៦ខែសីហាថា ទាហានអាមេរិក ដែលរត់ចូលទៅក្នុងប្រទេសកូរ៉េខាងជើង កាលពីខែមុន គឺជាចេតនាដើម្បីស្វែងរកការជ្រកកោនពី ការរើសអើងជាតិសាសន៍នៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ KCNA, ក្នុងអំឡុងពេលស៊ើបអង្កេត Travis King បានសារភាពថា គាត់សម្រេចចិត្តមកកូរ៉េខាងជើង ព្រោះគាត់មានអារម្មណ៏មិនល្អដោយសារការធ្វើបាបអមនុស្សធម៌ និងការរើសអើងពូជសាសន៍នៅក្នុងជួរកងទ័ពអាមេរិក។ គាត់ក៏បង្ហាញពីឆន្ទៈ ក្នុងការស្វែងរកសិទ្ធជ្រកកោននៅកូរ៉េខាងជើង ឬប្រទេសទីបីផងដែរ ព្រោះគាត់ខកចិត្ត ចំពោះសង្គមអាមេរិកដែលមិនមានសិទ្ធស្មើភាពគ្នា”។

យោង​តាម​ទីភ្នាក់ងារ​នេះ, King នៅ​តែ​ត្រូវ​បាន​គេ​ស៊ើប​អង្កេត ហើយ​កំពុង​ស្ថិត​ក្នុង​ការ​ឃុំឃាំង​របស់​កងទ័ព​ប្រជាជន​កូរ៉េ។

សូមបញ្ជាក់ថា នេះគឺជាការទទួលស្គាល់ផ្លូវការលើកដំបូងពីទីក្រុងព្យុងយ៉ាងចំពោះទាហានអាមេរិកដែលបានឆ្លងកាត់ពីកូរ៉េខាងត្បូង កាលពីថ្ងៃទី១៧ ខែកក្កដា ។

ទោះបីជាយ៉ាងណាក៏ដោយ មន្ទីរបញ្ចកោណបានប្រាប់រ៉យទ័រថា ខ្លួនមិនអាចផ្ទៀងផ្ទាត់ការអត្ថាធិប្បាយរបស់ King ដូចដែលបានចុះផ្សាយដោយ KCNA នោះទេ ហើយនៅតែផ្តោតលើការនាំគាត់វិលត្រលប់មកវិញដោយសុវត្ថិភាព៕

ប្រែសម្រួល៖ Vann Vann

ប្រភព៖ RT

ចុចអាន៖ កូរ៉េខាងជើង មិនឆ្លើយតបទៅ អាមេរិក រឿងសុខទុក្ខទាហានដែលឆ្លងកាត់ តំបន់គ្មានយោធា