អ្នកស្លាប់ក្នុងគ្រោះបាក់ដីអណ្តូងរ៉ែត្បូងនៅមីយ៉ាន់ម៉ា កើនឡើងដល់ ៣១នាក់

ក្រុមអ្នកជួយសង្គ្រោះបាននិយាយនៅថ្ងៃទី១៦ ខែសីហានេះថា ចំនួនអ្នកស្លាប់ដោយសារការបាក់ដីអណ្តូងរ៉ែត្បូងនៅតំបន់ដាច់ស្រយាលមួយក្នុងប្រទេសមីយ៉ាន់ម៉ាបានរកឃើញអ្នកស្លាប់កើនឡើងដល់ ៣១នាក់ហើយ និង ៨នាក់ផ្សេងទៀតកំពុងបាត់ខ្លួន។

គ្រោះមហន្តរាយនេះបានកើតឡើងកាលពីថ្ងៃទី១៤ ខែសីហានៅតំបន់ដាច់ស្រយាលភាគខាងជើងនៃរដ្ឋកាឈីន ដែលកើតឡើងតែប៉ុន្មានថ្ងៃប៉ុណ្ណោះបន្ទាប់ពីមានភ្លៀងធ្លាក់ខ្លាំង និងទឹកជំនន់នៅតំបន់នោះកាលពីចុងសប្តាហ៍មុន និងកើតឡើងនៅជិតកន្លែងដែលធ្លាប់បាក់ដីនៅឆ្នាំ២០២០ ដែលបណ្តាលឱ្យអ្នកជីករ៉ែរាប់រយនាក់ត្រូវបានបាត់ខ្លួនកប់នៅក្នុងដី។
គួរបញ្ជាក់ថា ប្រទេសមីយ៉ាន់ម៉ា គឺជាប្រភពដែលសំបូររ៉ែត្បូងដ៏ធំបំផុតរបស់ពិភពលោក៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ បាក់ដីនៅអណ្តូងរ៉ែត្បូងមីយ៉ាន់ម៉ា មនុស្សយ៉ាងហោច ២៥នាក់បាត់ខ្លួន

ចុចអាន៖ ចិន និងថៃ ត្រៀមធ្វើសមយុទ្ធយោធារួមគ្នា ដើម្បីប្រឆាំងនឹងអំពើភេរវកម្ម