EU អនុញ្ញាតឲ្យប្រើប្រាស់វ៉ាក់សាំងកូវីដរបស់ក្រុមហ៊ុន AstraZeneca

ប្រធានគណៈកម្មាធិការអឺរ៉ុបលោកស្រី Ursula von der Leyen បានប្រកាសនៅថ្ងៃសៅរ៍ទី៣០ ខែមករានេះថា វ៉ាក់សាំងការពារជំងឺកូវីដ១៩របស់ក្រុមហ៊ុន AstraZeneca និង សកលវិទ្យាល័យ Oxford ត្រូវបានអនុញ្ញាតសម្រាប់ទីផ្សារអឺរ៉ុប, ប៉ុន្មានម៉ោងបន្ទាប់ពីនិយតករឱសថរបស់ប្លុកនេះ ផ្តល់ការយល់ព្រម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែលមានជម្លោះកាន់តែខ្លាំងរវាងទីក្រុងប្រ៊ូសសែលនិងក្រុមហ៊ុន AstraZeneca ជុំវិញការពន្យាពេលផលិតកម្ម លោកស្រី Von der Leyen បានបង្ហោះ Twitter ថា “ខ្ញុំរំពឹងថា ក្រុមហ៊ុននឹងផ្តល់ជូននូវថ្នាំចំនួន៤០០លានដូស”។

នេះគឺជាវ៉ាក់សាំងទីបីដែលត្រូវបានអនុញ្ញាតឲ្យប្រើប្រាស់ នៅក្នុងប្លុកមាន២៧ប្រទេស បន្ទាប់ពីវ៉ាក់សាំងជាគូប្រជែងដែលផលិតដោយក្រុមហ៊ុន Pfizer-BioNTech និង Moderna។

ស្របពេលដែលពិភពលោកកំពុងពុះពារទប់ទល់នឹងរោគរាតត្បាត ការចាក់វ៉ាក់សាំងកំពុងត្រូវបានធ្វើឡើងនៅក្នុងសហភាពអ៊ឺរ៉ុប។

ទន្ទឹមនឹងនេះ វ៉ាក់សាំងបេក្ខជនចំនួន២៣៦កំពុងត្រូវបានបង្កើតឡើងនៅទូទាំងពិភពលោក ដោយក្នុងនោះមានចំនួន៦៣កំពុងស្ថិតក្នុងដំណាក់កាលធ្វើតេស្តព្យាបាលនៅតាមបណ្តាប្រទេសនានារួមមានអាល្លឺម៉ង់ ចិន រុស្ស៊ី អង់គ្លេសនិងសហរដ្ឋអាមេរិក៕

ប្រែសម្រួលដោយ៖ Vann Vann

ប្រភព៖ CNA, Xinhua

ចុចអាន៖ EU ត្រៀមប្រើវិធានការក្តៅលើក្រុមហ៊ុនវ៉ាក់សាំង AstraZeneca ចំពេលមានជម្លោះជាមួយគ្នា