ព័ត៌មានអន្ដរជាតិ
ក្រៅពីហាវ៉ៃ ភ្លើងឆេះព្រៃ ក៏កំពុងវាយប្រហារប្រទេសជាច្រើននៅអឺរ៉ុប ផងដែរ
គិតត្រឹមថ្ងៃព្រហស្បតិ៍ទី១៧ខែសីហា មនុស្សស្លាប់ដោយសារភ្លើងឆេះព្រៃនៅហាវ៉ៃ បានកើនដល់ ១១០ នាក់ហើយ ហើយថែមទាំងបង្កការខូតខាតយ៉ាងធំធេងផងដែរ ។
ទោះបីជាយ៉ាងណាក៏ដោយ អគ្គិភ័យមិនមែនកើតឡើងតែនៅអាមេរិកនោះទេ ពោលគឺភ្លើងឆេះព្រៃ ក៏កំពុងឆាបឆេះនៅកន្លែងច្រើនទៀតផងដែរ ។
នៅទ្វីបអឺរ៉ុប ភ្លើងឆេះព្រៃ កំពុងវាយប្រហារនៅក្នុងប្រទេសនានាដូចជាអេស្ប៉ាញ ព័រទុយហ្គាល់ អ៊ីតាលី ក្រិក ក្រូអាត និងកន្លែងផ្សេងទៀត នារយៈពេលប៉ុន្មានថ្ងៃថ្មីៗនេះ។
ទន្ទឹមនោះ នៅកោះ Tenerife នៃប្រទេសអេស្ប៉ាញ ភ្លើងឆេះព្រៃកំពុងឆាបឆេះក្នុងកម្រិតមិនអាចគ្រប់គ្រងបាន ជាហេតុបង្ខំឲ្យមន្ត្រី បិទតំបន់ទេសចរណ៍ដ៏សំខាន់មួយ និងជម្លៀសមនុស្សចេញពីផ្ទះសម្បែង។
ភ្លើងបានឆាបឆេះនៅក្នុងឧទ្យានជាតិភ្នំមួយ លើកោះអេស្ប៉ាញកាលពីថ្ងៃព្រហស្បតិ៍ ហើយបានរាលដាលដល់ផ្ទៃដី ៤,៤៥០ ហិកតា ត្រឹមរយៈពេល ២៤ ម៉ោង ខណៈអាជ្ញាធរក៏បានដាក់ពង្រាយយន្តហោះចំនួន ១៤ គ្រឿង និងកងពន្លត់អគ្គិភ័យព្រមទាំងយោធា ២៥០ នាក់ផងដែរ ។
ចំណែកនៅតំបន់ Odemira ភាគខាងត្បូងប្រទេសព័រទុយហ្គាល់ ភ្លើងឆេះព្រៃបានបង្ខំឲ្យមនុស្សជាង ១,៥០០ នាក់ ត្រូវបានជម្លៀសចេញជាបន្ទាន់ ដោយសារអគ្គិភ័យបានរាលដាលទៅដល់គោលដៅទេសចរណ៍ដ៏ពេញនិយម Algarve។
រីឯនៅប្រទេសស៊ីប ភ្លើងឆេះព្រៃបានផ្ទុះឡើងតាំងពីថ្ងៃទី៦ ខែសីហាមក នៅភាគខាងជើងទីក្រុង Limassol ហើយបានរាលដាលយ៉ាងឆាប់រហ័សតាមតំបន់ភ្នំ ជាហេតុជំរុញឲ្យមានការជម្លៀសមនុស្សចេញពីសហគមន៍ចំនួន ៣ យ៉ាងប្រុងប្រយ័ត្ន ។
ស្របពេលជាមួយគ្នានេះ ភ្លើងឆេះទ្រង់ទ្រាយតូច ក៏ត្រូវបានរាយការណ៍ផងដែរនៅប្រទេសបារាំង ដូចជាក្នុងតំបន់ Nouvelle-Aquitaine, Occitanie, Grand Est, Bouches-Du-Rhone និងកោះ Corsica ជាដើម ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ហេតុផលមួយ បណ្តាលឲ្យភ្លើងឆេះព្រៃនៅ ហាវ៉ៃ រាលដាលកាចសាហាវបែបនេះ
-
ព័ត៌មានអន្ដរជាតិ៤ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍២ ថ្ងៃ ago
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់