ព័ត៌មានអន្ដរជាតិ
យន្តហោះប្រញាប់ចុះចតភ្លាមៗ ក្រោយពីឡុតស្លាប់ពេលកំពុងហោះហើរ
អ្នកបើកយន្តហោះម្នាក់បានដួល និងស្លាប់នៅក្នុងបន្ទប់ទឹក អំឡុងពេលហោះហើរពាណិជ្ជកម្មពីទីក្រុងម៉ៃអាមី ទៅកាន់ប្រទេសឈីលី ដែលជំរុញឲ្យមានការចុះចតជាបន្ទាន់នៅប្រទេសប៉ាណាម៉ា កាលពីយប់ថ្ងៃអាទិត្យ។
កាលពីថ្ងៃទី ១៦ ខែសីហា ឆ្នាំ២០១២៣ គេហទំព័រ Ladbible បានរាយការណ៍ពីហេតុការណ៍ លើយន្តហោះ LATAM Airlines LA 505 មួយគ្រឿង ត្រូវចុះចតជាបន្ទាន់នៅប្រទេសប៉ាណាម៉ាកាលពីយប់ថ្ងៃអាទិត្យ ១៣ សីហា បន្ទាប់ពីអ្នកបើកយន្តហោះដែលបំពេញកាតព្វកិច្ចនៅលើជើងហោះហើរបាត់បង់ស្មារតី ហើយស្លាប់ភ្លាមៗក្នុងអំឡុងពេលហោះហើរ។
យោងតាមរបាយការណ៍និយាយថា យន្តហោះ LA 505 ដូចជាជើងហោះហើរផ្សេងទៀតទាំងអស់បានចាប់ផ្តើមធ្វើដំណើរជាធម្មតាជាមួយនឹងអ្នកដំណើរ ២៧១ នាក់ ហោះចេញពីអាកាសយានដ្ឋានអន្តរជាតិ Miami នៅម៉ោង ១១:០០យប់ម៉ោងក្នុងស្រុក។ ប៉ុន្តែមិនដល់មួយម៉ោងបន្ទាប់ពីហោះឡើង អាកាសយានិកអាយុ៥៦ឆ្នាំ លោក Ivan Andaur ចាប់ផ្ដើមត្អូញត្អែរពីអារម្មណ៍មិនស្រួលខ្លួន។
វាមិនច្បាស់ថាមានអ្វីកើតឡើងចំពោះគាត់ទេ។ ប៉ុន្តែស្ថានភាពរបស់គាត់កាន់តែយ៉ាប់យ៉ឺនភ្លាមៗ ហើយបេះដូងរបស់គាត់ស្រាប់តែលោតញាប់។ គេបានប្រទះឃើញគាត់សន្លប់ និងស្លាប់ក្នុងបន្ទប់ទឹកលើយន្តហោះ។ ឧបទ្ទវហេតុនេះបង្ខំឲ្យសហអាកាសយានិកពីរនាក់ឡើងកាន់ចង្កូតជំនួស ដោយអ្នកដំណើរម្នាក់បាននិយាយថា នាវិកបានធ្វើសេចក្តីប្រកាសសួរថាតើមានគិលានុបដ្ឋាយិកា និងវេជ្ជបណ្ឌិតនៅលើយន្តហោះ ប្រហែល ៤០ នាទី បន្ទាប់ពីការហោះហើរ។
ទោះបីជាមានគិលានុបដ្ឋាយិកា និងវេជ្ជបណ្ឌិត ២នាក់ប្រញាប់ប្រញាល់ជួយតាំងពីពួកគេនៅលើយន្តហោះ រួមទាំងមានក្រុមគ្រូពេទ្យចុះមកជួយសង្គ្រោះគាត់ ពេលចុះចតបន្ទាន់ដោយសុវត្ថិភាព ប៉ុន្តែនៅតែមិនអាចជួយសង្គ្រោះជីវិតអ្នកបើកយន្តហោះដែលមានបទពិសោធន៍រូបនោះបានដដែល។
អ្នកជួយសង្គ្រោះម្នាក់ដែលជាគិលានុបដ្ឋាយិកានិយាយថា វាជារឿងអកុសលដែលពួកគេមិនមានឧបករណ៍ចាំបាច់ ឬគ្រប់គ្រាន់ដើម្បីជួយសង្គ្រោះ។ នាងបាននិយាយថា ក្រុមហ៊ុនអាកាសចរណ៍ត្រូវការកែលំអគោលការណ៍ណែនាំរបស់ខ្លួន ក្នុងករណីមានអាសន្នផ្នែកវេជ្ជសាស្ត្រ ពួកគេអាចជួយសង្គ្រោះជីវិតទាន់ពេល។
យ៉ាងណាមិញ ក្រុមហ៊ុនអាកាសចរណ៍បានចេញសេចក្តីថ្លែងការណ៍ចូលរួមរំលែកទុក្ខដល់ក្រុមគ្រួសារនៃអ្នកបើកយន្តហោះដែលបានស្លាប់ និងបញ្ចាក់ថា ពេលយន្តហោះចុះចត ក្រុមគ្រូពេទ្យមកជួយបន្ថែម តែនៅតែមិនអាចជួយសង្គ្រោះជីវិតគាត់បាន៕
ប្រែសម្រួល៖ សាង ស្រីល័ក្ខ
ចុចអាន៖ភូមិអភិជនដែលគេបោះបង់ចោលនៅ ចិន ពេលនេះក្លាយជាកន្លែងចិញ្ចឹមគោ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ