ព័ត៌មានអន្ដរជាតិ

៦០ឆ្នាំមុន អ្នកនៅបរទេសនិយាយថា មើលឃើញថាសហោះពិតមែន

បានផុស

១ year មុន

នៅ

ថ្ងៃសុក្រ ១៨ សីហា ២០២៣

ដោយ

ក្នុងរយៈពេលប៉ុន្មានឆ្នាំចុងក្រោយនេះ មានសេចក្ដីរាយការណ៍ជាច្រើនអំពីការមើលឃើញថាសហោះ (UFO) នៅក្នុងប្រទេសផ្សេងៗគ្នា។ ជាក់ស្ដែងកាលពីឆ្នាំ ២០២០ មានករណីមើលឃើញ UFO ជាង ១៤០ ករណី ខណៈព័ត៌មានជាក់លាក់ណាមួយក៏មិនទាន់អាចកំណត់បាននៅឡើយដែរ ។

បើដូច្នេះមែន តើវត្ថុដែលពួកគេបានមើលឃើញនៅលើមេឃទាំងនោះ គឺជាអ្វីទៅ?

១ ការមើលឃើញថាសហោះរបស់កងទ័ពជើងទឹកសហរដ្ឋអាមេរិក ឆ្នាំ ១៩៧១

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានរបាយការណ៍កត់ត្រានៅក្នុងឯកសាររដ្ឋាភិបាលសហរដ្ឋអាមេរិកបានបញ្ជាក់ថា វត្ថុដែលមានរាងដូចបារី បានរកឃើញក្នុងខែមីនា ឆ្នាំ១៩៧១ ដោយនាវិកនៃនាវាមុជទឹក USS Trepang SSN 674 ធ្វើឲ្យមានការភ្ញាក់ផ្អើល។ នៅពេលដែលពួកគេជួបប្រទះវត្ថុចម្លែកមួយនៅមហាសមុទ្រអាត្លង់ទិក ពីឆ្នេរសមុទ្រអ៊ីស្លង់។ មន្ត្រី John Clika គឺជាមនុស្សដំបូងគេដែលឃើញវត្ថុដោយចៃដន្យជាមួយនឹងកែវយឺត ខណៈពេលដែលធ្វើបេសកកម្មយោធា និងវិទ្យាសាស្ត្រជាទៀងទាត់នៅក្នុងតំបន់។

២ ការមើលឃើញថាសហោះ របស់កងទ័ពអាកាសអ៊ីតាលី ឆ្នាំ ១៩៧៩

រូបថតដ៏ល្អបំផុតមួយនៃថាសហោះ ដែលមានរាងដូចបារីត្រូវបានថតដោយមន្ត្រីជាន់ខ្ពស់កងទ័ពអាកាសអ៊ីតាលី Giancarlo Cecconi នៅថ្ងៃទី១៨ ខែមិថុនា ឆ្នាំ ១៩៧៩។ បន្ទាប់ពីបានបញ្ចប់បេសកកម្មឈ្លបយកការណ៍ ប្រហែលម៉ោង ១១:៣០ ព្រឹក Cecconi បានហោះត្រឡប់ទៅមូលដ្ឋានទ័ពអាកាស Treviso Istrana ក្នុងប្រទេសអ៊ីតាលីក្នុងយន្តហោះទម្លាក់គ្រាប់បែក Fiat G.91 ។

ភ្លាមៗនោះ គាត់បានទទួលសញ្ញាពីប៉មបញ្ជាការហោះហើរនៃអាកាសយានដ្ឋានយោធា St. Angelo អំពីវត្ថុហោះមិនស្គាល់អត្តសញ្ញាណ នោះមានឥរិយាបថចម្លែកគឺហោះក្នុងរយៈកម្ពស់ទាបពីលើទីក្រុង Quinto របស់អ៊ីតាលី។ យន្តហោះរបស់ Chekhoni ត្រូវបានបំពាក់ដោយកាមេរ៉ាសរុបចំនួន ៣ដែលពីរនៅសងខាងនៃកាប៊ីនយន្តហោះ និងមួយនៅខាងលើ។ Chekkoni បានហោះក្នុងចម្ងាយ ៨០ ម៉ែត្រពីវត្ថុហើយថតរូបវាហើយកាន់តែខិតទៅជិតវត្ថុបែបនេះ គាត់អាចមើលឃើញព័ត៌មានលម្អិតរបស់វាកាន់តែច្បាស់។ គាត់បានរៀបរាប់ថា វត្ថុនោះមានកំពស់ប្រហែល៨ម៉ែត្រ និងទទឹង ៣ម៉ែត្រ ជាមួយនឹងកំពូលរាបស្មើ។ នៅកណ្តាលមានលំហរតូចមួយពណ៌ស។

៣ ការមើលឃើញថាសហោះក្នុងបេសកកម្ម Genimi 4 របស់ NASA ឆ្នាំ ១៩៦៥

ត្រលប់ទៅឆ្នាំ ១៩៦៥ អវកាសយានិក James McDevitt និង Ed White បានបង្កើតប្រវត្តិសាស្ត្រដោយគោចរជុំវិញផែនដី ៦៦ ដងក្នុងរយៈពេល ៤ ថ្ងៃ នាអំឡុងពេល Gemini 4 ដែលជាបេសកកម្មទីពីររបស់ NASA។ នៅពេលនោះ Ed White បានដើរលំហអាកាសរយៈពេល ២០ នាទីដំបូងដែលធ្វើឲ្យគាត់ក្លាយជាជនជាតិអាមេរិកដំបូងគេ ដែលធ្វើដូច្នេះ។ ហើយនេះគឺជាចំណុចចាប់ផ្តើមដែល NASA រៀបចំសម្រាប់បេសកកម្មសម្រាប់ការចុះចតតាមច័ន្ទគតិជាលើកដំបូង បួនឆ្នាំក្រោយ។

បុរសរូបនេះបានរៀបរាប់ថា “ខ្ញុំកំពុងហោះហើរជាមួយ Ed White គាត់កំពុងដេក។ ដូច្នេះ ខ្ញុំគ្មានសាក្សីអំពីរឿងនេះទេ។ យើងកំពុងអណ្តែតក្នុងលំហ ដោយម៉ាស៊ីនមិនអាចគ្រប់គ្រងបាន ហើយឧបករណ៍វាស់ទាំងអស់ត្រូវបានបិទ។ស្រាប់តែមានវត្ថុមួយបានលេចចេញមកតាមបង្អួច វាមានរាងច្បាស់លាស់ណាស់។ វាជាវត្ថុរាងស៊ីឡាំងពណ៌ស មានដៃវែងលាតទៅភាគី! ខ្ញុំមិនដឹងថាវាជាវត្ថុតូចមួយនៅជិតនោះទេ នៅលើវត្ថុធំមួយនៅឆ្ងាយ”។

យ៉ាងណាមិញ នេះគ្រាន់តែជាការរៀបរាប់ពីព្រឹត្តិការណ៍ប្រវត្តិសាស្ត្រដែលអ្នកជំនាន់មុន៣រូប ធ្លាប់បានឃើញថាសហោះ និងខ្លះបានថតរូបនោះតាមទិដ្ឋភាពជាក់ស្ដែងប៉ុណ្ណោះ។ ចំពោះករណីថា តើលើលោកនេះពិតជាមានថាសហោះមែនឬអត់នោះ មកដល់សព្វថ្ងៃមិនទាន់មានអ្នកស្រាវជ្រាវរូបណា បកស្រាយលម្អិតបានឡើយ៕

ប្រែសម្រួល៖ សាង ស្រីល័ក្ខ

ប្រភព៖howandwhys

ចុចអាន៖យន្តហោះប្រញាប់ចុះចតភ្លាមៗ ក្រោយពីឡុតស្លាប់ពេលកំពុងហោះហើរ