ព័ត៌មានអន្ដរជាតិ
ពាក្យចុងក្រោយដែលអាកាសយានិកម៉ាឡេស៊ី និយាយទៅកាន់ម្តាយ៖ ខ្ញុំស្រឡាញ់ម៉ាក់!
“Adik sayang mama” ជាភាសាម៉ាឡេ ប្រែថា “ខ្ញុំស្រឡាញ់ម៉ាក់” គឺជាពាក្យចុងក្រោយរបស់លោក Shahrul Kamal Roslan និយាយទៅកាន់ម្តាយរបស់គាត់ឈ្មោះ Mahanum Ismail មុនពេលអាកាសយានិករូបនេះ ស្លាប់ក្នុងហេតុការណ៍ធ្លាក់យន្តហោះកាលពីថ្ងៃព្រហស្បតិ៍ទី១៧ខែសីហា លើផ្លូវហាវ៉េ Guthrie ក្បែរសង្កាត់ Elmina ក្នុងក្រុង Shah Alam នៃរដ្ឋ Selangor។

យោងតាមរដ្ឋមន្ត្រីដឹកជញ្ជូនលោក Anthony Loke បានឲ្យដឹងថា មនុស្សចំនួន៨នាក់ រួមទាំងសមាជិកសភាលោក Johari Harun គឺស្ថិតក្នុងយន្តហោះ Beechcraft Model 390 (Premier 1) នៅពេលវាធ្លាក់ នាម៉ោងប្រហែល២:៤០រសៀលថ្ងៃព្រហស្បតិ៍ទី១៧ខែសីហា។
អ្នកបើកយន្តហោះឈ្មោះ Shahrul Kamal Roslan និង Heikal Aras Abdul Azim ព្រមទាំងអ្នកដំណើរឈ្មោះ Kharil Azwan Jamaludin, Shaharul Amir Omar, Mohamad Naim Fawwaz Mohamed Muaidi, Muhammad Taufiq Mohd Zaki និង Idris Abdol Talib Ramali ត្រូវបាត់បង់ជីវិត ខណៈអ្នកនៅលើដី២នាក់ទៀត ក៏ស្លាប់ផងដែរក្នុងហេតុការណ៍នេះ។

លោកស្រី Mahanum ដែលជាម្តាយរបស់ Shahrul បាននិយាយទាំងទឹកភ្នែកនៅខាងក្រៅនាយកដ្ឋានកោសល្យវិច្ច័យមន្ទីរពេទ្យ Tengku Ampuan Rahimah ក្នុងទីក្រុង Klang នៃរដ្ឋ Selangor ថា “ពេលចុងក្រោយដែលកូនប្រុសនិយាយជាមួយខ្ញុំ គឺពេលដែលខ្ញុំចូលសម្រាកព្យាបាលនៅមន្ទីរពេទ្យ។ មុនពេលខ្ញុំចូលវះកាត់ គាត់ប្រាប់ខ្ញុំថា គាត់ស្រឡាញ់ខ្ញុំ”។
លោក Shahrul Kamal បានស្លាប់ចោលប្រពន្ធនិងកូនប្រុសចំនួន៤នាក់ ដែលមានអាយុចន្លោះពី៣ទៅ១២ឆ្នាំ ហើយក្រោយហេតុការណ៍ធ្លាក់យន្តហោះ មន្ត្រីជាន់ខ្ពស់ប្រចាំតំបន់ និយាយថា រដ្ឋាភិបាលនឹងទទួលបន្ទុកលើថ្លៃរៀបចំពិធីបុណ្យសពសម្រាប់ជនរងគ្រោះទាំងអស់៕
ប្រែសម្រួល៖ Vann Vann
ប្រភព៖ CNA
ចុចអាន៖ វីដេអូថតជាប់ស្តែងៗ ហេតុការណ៍ធ្លាក់យន្តហោះម៉ាឡេស៊ី សម្លាប់មនុស្ស១០នាក់ រួមទាំងសមាជិកសភា

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ