ព័ត៌មានអន្ដរជាតិ
រដ្ឋមន្ត្រីស្ដីទីក្រសួងយុត្តិធម៌ ថៃ ៖ លោក ថាក់ស៊ីន នឹងនាំទៅពន្ធនាគារ ពេលត្រលប់ចូលស្រុកវិញ
យោងតាមលោក Wissanu Krea-ngam ឧបនាយករដ្ឋមន្ត្រី និងជារដ្ឋមន្ត្រីស្ដីទីក្រសួងយុត្តិធម៌ថៃបានឲ្យដឹងថា អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត់ត្រា ដែលកំពុងរស់នៅនិរទេសខ្លួនអស់រយៈពេល ១៧ ឆ្នាំមកនេះ នឹងត្រូវជាប់ពន្ធនាគារ នៅពេលលោកត្រឡប់ចូលស្រុកវិញ ។

លោក Wissanu បានលើកឡើងថា អាជ្ញាធរបានរៀបចំរួចជាស្រេចសម្រាប់ការវិលត្រលប់ចូលស្រុកវិញរបស់លោក ថាក់ស៊ីន ហើយនៅពេលយន្តហោះឯកជនរបស់លោកចុះចតនៅក្នុងតំបន់ពិសេសដែលបានបម្រុងទុកហើយនោះ មន្ត្រីអន្តោប្រវេសន៍នឹងទៅទទួលលោក ថាក់ស៊ីន ដោយផ្ទាល់តែម្ដង ហើយបន្ទាប់មកទៀត ក្រុមមន្ត្រីក៏នឹងនាំលោកទៅកាន់នាយកដ្ឋានកែប្រែ និងពន្ធនាគារកណ្តាល Klong Prem ក្នុងសង្កាត់ Chatuchak នៃទីក្រុងបាងកក ។
រដ្ឋមន្ត្រីស្ដីទីក្រសួងយុត្តិធម៌រូបនេះបាននិយាយទៀតថា មុនពេលចូលទៅក្នុងពន្ធនាគារ លោក ថាក់ស៊ីន នឹងត្រូវពិនិត្យរាងកាយដូចអ្នកទោសដទៃទៀតដែរ ហើយលោកមិនច្បាស់ទេថា តើសមាជិកក្រុមគ្រួសារ និងសាច់ញាតិរបស់លោក ថាក់ស៊ីន អាចទៅជួបលោកក្នុងពន្ធនាគារបានភ្លាមៗឬយ៉ាងណានោះ ។

លោក Wissanu បានបញ្ជាក់ថា លោក ថាក់ស៊ីន ក៏អាចស្វែងរកការលើកលែងទោសពីព្រះមហាក្សត្រផងដែរ ប៉ុន្តែទោះយ៉ាងណាក៏ដោយ ប្រសិនបើសំណើនេះត្រូវបានបដិសេធ លោកនឹងត្រូវរង់ចាំរហូតដល់ពេល ២ ឆ្នាំ ទើបអាចដាក់ញត្តិស្នើសុំសាជាថ្មី ។
គួរបញ្ជាក់ថា កាលពីថ្ងៃសៅរ៍កូនស្រីលោក ថាក់ស៊ីន គឺលោកស្រី ផេថងថាន បានប្រកាសពីការវិលត្រលប់ចូលស្រុកវិញរបស់ឪពុកលោកស្រីនៅថ្ងៃទី២២ ខែសីហា ពោលចំថ្ងៃដែលសភាថៃក៏នឹងកោះប្រជុំសមាជិកសភាទាំងពីរ ដើម្បីធ្វើការបោះឆ្នោតជ្រើសរើសនាយករដ្ឋមន្ត្រីផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ កូនស្រីពៅលោក ថាក់ស៊ីន ប្រកាសថ្ងៃដែលឪពុកចូលស្រុកសាជាថ្មី

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ