លេចរឿងអាសអាភាស លើផ្ទាំងផ្សាយពាណិជ្ជកម្មនៅទីក្រុងបាកដាដ

មន្ត្រីអ៊ីរ៉ាក់បានបញ្ជាឱ្យបិទអេក្រង់ផ្ទាំងផ្សាយពាណិជ្ជកម្មអេឡិចត្រូនិកទាំងអស់នៅក្នុងទីក្រុងបាកដាដ បន្ទាប់ពីឃើញមានចាក់រឿងអាសអាភាស ។

ហេតុការណ៍ខាងលើកើតឡើងក្នុងផ្ទាំងផ្សាយពាណិជ្ជកម្ម ១ គ្រឿងនៅចំណុចប្រសព្វផ្លូវធំនៃរដ្ឋធានីអ៊ីរ៉ាក់ ។ តាមពិតទៅវាត្រូវបានពួក Hacker ដើម្បីចាក់រឿងអាសអាភាស ។

ប៉ូលិសចាប់បានបុរសម្នាក់ដែលពាក់ព័ន្ធនឹងបញ្ហានេះ គាត់គឺជាអ្នកធ្វើការផ្នែកបច្ចេកទេសនៅក្រុមហ៊ុនផ្សាយពាណិជ្ជកម្មតាមអេក្រង់ ហើយបុរសនោះបង្ករឿងដើម្បីសងសឹងជាមួយក្រុមហ៊ុនប៉ុណ្ណោះ ។

គួរបញ្ជាក់ថា Hacker បានចាក់រឿងអាសអាភាសជាច្រើននាទី មុនពេលខ្សែភ្លើងត្រូវគេកាត់ផ្ដាច់កាលពីថ្ងៃសៅរ៍ ទី១៩ ខែសីហា ។

ដូច្នេះ ឈុតអសីលធម៌ទាំងនេះបានបង្ខំឱ្យអាជ្ញាធរបិទអេក្រង់ផ្សាយពាណិជ្ជកម្មទាំងអស់នៅក្នុងទីក្រុងបាកដាដ ខណៈពេលពួកគេពិនិត្យមើលវិធានការសន្តិសុខឡើងវិញ ។ ចំណែកឯអេក្រង់ផ្សេងៗនៅក្នុងរដ្ឋធានីត្រូវបានបិទនៅព្រឹកថ្ងៃអាទិត្យ ទី២០ ខែសីហា ។

យ៉ាងណាមិញ ហេតុការណ៍បែបនេះមិនមែនកើតឡើងលើកទីមួយនោះទេ ។ កាលពីឆ្នាំ ២០១៦ ខែតុលា នៅប្រទេសឥណ្ឌូនេស៊ីក៏ធ្លាប់មានដែរ ហើយអ្នកបង្ករឿងត្រូវប្រឈមមុខជាប់ពន្ធនាគាររយៈពេល ៦ ឆ្នាំឯណោះ ៕

ប្រែសម្រួល៖ វារី

ប្រភព៖ BBC

ចុចអាន៖ ថៃ ជាប់ចំណាត់ថ្នាក់ខ្ពស់បំផុត ដែលមានប្រជាជនចូលចិត្តមើលរឿងអាសអាភាសច្រើន