ព័ត៌មានអន្ដរជាតិ

លោក ថាក់ស៊ីន អញ្ជើញមកដល់ទឹកដី ថៃ វិញហើយ

បានផុស

១ year មុន

នៅ

ថ្ងៃអង្គារ ២២ សីហា ២០២៣

ដោយ

អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ត្រា បានអញ្ជើញត្រលប់ចូលស្រុកវិញ ក្រោយចុះចតនៅព្រលានយន្តហោះដនមឿងនៃទីក្រុងបាងកកនៅព្រឹកថ្ងៃអង្គារ ទី២២ ខែសីហានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះឯកជនរបស់លោក ថាក់ស៊ីន បានចុះចតនៅទីតាំង VIP មួយកន្លែងរបស់ព្រលានយន្តហោះដនមឿងនៅវេលាម៉ោង ៩ ព្រឹក បន្ទាប់ពីចាកចេញពីប្រទេសសិង្ហបុរីកាលពីម៉ោង ៧ និង ៣០ នាទីព្រឹកនេះ ខណៈកូនស្រី ២ រូបរបស់លោកក៏បានទៅទទួលឪពុកផងដែរ ។

បន្ទាប់ពីទទួលស្វាគមន៍យ៉ាងកក់ក្តៅពីសំណាក់អ្នកគាំទ្រអាវក្រហមរាប់រយនាក់ និងចាប់ដៃជាមួយសមាជិកសំខាន់ៗមួយចំនួននៃគណបក្សភឿថៃរួចហើយ លោក ថាក់ស៊ីន ត្រូវបានប៉ូលិសនាំខ្លួនទៅកាន់តុលាការកំពូលដើម្បីស្តាប់ការកាត់ក្តីប្រឆាំងនឹងរូបលោកក្នុងសំណុំរឿងផ្លូវច្បាប់ចំនួន ៣ ដែលផ្ដន្ទាទោសឲ្យលោកជាប់ពន្ធនាគាររយៈពេល ១០ ឆ្នាំ ខណៈក្រោយមក លោកនឹងត្រូវបញ្ជូនទៅនាយកដ្ឋានកែប្រែ ហើយបន្តដឹកទៅពន្ធនាគារ Remand ក្នុងទីក្រុងបាងកក ។

នេះគឺជាការវិលត្រលប់ចូលស្រុកសាជាថ្មីរបស់អតីតនាយករដ្ឋមន្ត្រីដ៏មានឥទ្ធិពលវ័យ ៧៤ ឆ្នាំរូបនេះ ក្រោយចំណាយពេលរស់នៅនិរទេសអស់រយៈពេល ១៧ ឆ្នាំ ខណៈថ្ងៃនេះថៃក៏នឹងរៀបចំការបោះឆ្នោតជ្រើសរើសនាយករដ្ឋមន្ត្រីទី៣០ របស់ប្រទេសផងដែរ ។

គួរបញ្ជាក់ថា លោក ថាក់ស៊ីន ធ្លាប់បានពន្យារពេលវិលត្រឡប់ចូលស្រុកវិញចំនួន ២០ ដងមកហើយ រាប់ចាប់តាំងពីការសន្យាចូលមកកាលពីដើមខែនេះផងដែរ បន្ទាប់ពីត្រូវបានទម្លាក់ចេញពីអំណាចក្នុងរដ្ឋប្រហារយោធាកាលពីឆ្នាំ ២០០៦ ៕