ព័ត៌មានអន្ដរជាតិ
ផ្ទុះកំហឹងចំពោះរដ្ឋបាលលោក Biden ដោយសារចាក់វ៉ាក់សាំងកូវីដឲ្យភេរវករមុនប្រជាជនអាមេរិក
រដ្ឋបាលរបស់លោក Biden ត្រូវបានគេបន្ទោសបន្ទាប់ពីលេចឮព័ត៌មានថា វ៉ាក់សាំងបង្ការជំងឺកូវីដ១៩ នឹងត្រូវចាក់លើអ្នកជាប់ឃុំឃាំងនៅពន្ធនាគារ Guantanamo Bay រួមទាំងលើភេរវករក្រុមអាល់កៃដានិងមេក្លោងការវាយប្រហារថ្ងៃទី១១ខែកញ្ញា (៩/១១) លោក Khalid Sheikh Mohammed ផងដែរនៅដើមសប្តាហ៍ក្រោយនេះ។
![](https://www.kampucheathmey.com/wp-content/uploads/2021/01/38653080-9203535-Khalid_Sheikh_Mohammed_is_the_mastermind_behind_the_9_11_terror_-a-12_1611972660206-copy.jpg)
រដ្ឋអាជ្ញា Clayton Trivett Jr ដែលកំពុងដឹកនាំរឿងក្តីប្រឆាំងនឹងភេរវករទាំង៥នាក់នៅពីក្រោយការវាយប្រហារថ្ងៃទី១១ខែកញ្ញា បានបង្ហាញសេចក្តីសម្រេចនេះនៅក្នុងលិខិតមួយទៅកាន់មេធាវីការពារក្តីកាលពីថ្ងៃព្រហស្បតិ៍។
យោងតាមកាសែត New York Times បានសរសេរថា “មន្ត្រីមួយរូបនៅមន្ទីរបញ្ចកោណ ទើបតែចុះហត្ថលេខាលើអនុស្សរណៈយល់ព្រមសម្រាប់ការចាក់វ៉ាក់សាំងកូវីដដល់អ្នកជាប់ឃុំនៅ Guantánamo”។
![](https://www.kampucheathmey.com/wp-content/uploads/2021/01/38653130-9203535-The_order_was_reportedly_signed_Wednesday_by_Principal_Deputy_As-a-12_1611981521819-copy.jpg)
Trivett Jr និយាយថា ជំរំឃុំឃាំងរបស់សហរដ្ឋអាមេរិកនេះមានអ្នកជាប់ឃុំ៤០នាក់ ដែលពួកគេទាំងអស់អាចទទួលបានការចាក់វ៉ាក់សាំងលើកដំបូងនៅថ្ងៃចន្ទប្រសិនបើពួកគេយល់ព្រម។
កិច្ចខិតខំប្រឹងប្រែងចាក់វ៉ាក់សាំងត្រូវបានគេរាយការណ៍ថា មានគោលបំណងជួយបន្តនីតិវិធីច្បាប់សម្រាប់អ្នកទោសដូចជា Khalid Sheikh Mohammed ដែលត្រូវបានពន្យាពេលដោយសារតែជំងឺរាតត្បាត។
ប៉ុន្តែព័ត៌មាននេះបានបង្កឲ្យផ្ទុះកំហឹងក្នុងចំណោមអ្នកនយោបាយនិងអ្នកឆ្លើយតបព្រឹត្តិការណ៍ ៩/១១ ដែលបានរិះគន់ការសម្រេចចិត្តចាក់វ៉ាក់សាំងដល់ភេរវករ មុនពលរដ្ឋអាមេរិក។
![](https://www.kampucheathmey.com/wp-content/uploads/2021/01/38654238-9203535-Meanwhile_millions_of_Americans_are_still_waiting_on_their_first-a-11_1611972660165-copy.jpg)
ការចាក់វ៉ាក់សាំងនេះបានកើតឡើង ចំពេលមានកង្វះខាតថ្នាំដែលបានរារាំងដល់កិច្ចខិតខំប្រឹងប្រែងចាក់នៅទូទាំងសហរដ្ឋអាមេរិក ខណៈមានជនជាតិអាមេរិកទើបតែ២៦លាននាក់ប៉ុណ្ណោះដែលត្រូវបានចាក់វ៉ាក់សាំងរួច។
លោក Tom Von Essen ស្នងការអគ្គិភ័យក្រុងអំឡុងព្រឹត្តិការណ៍ ៩/១១ បាននិយាយថា “អ្នកមិនអាចធ្វើវាបានទេ។ នេះជារឿងគួរឲ្យអស់សំណើច ដែលយើងទទួលបានពីរដ្ឋាភិបាលរបស់យើង។ ពួកគេនឹងចាក់វ៉ាក់សាំងនៅ Guantanamo Bay មុនពេលប្រជាជនអាមេរិកទាំងអស់ទទួលវា វាគឺជាល្ខោនដែលមិនសមហេតុផល”។
![](https://www.kampucheathmey.com/wp-content/uploads/2021/01/38658808-9203535-image-m-16_1611979201286-copy.jpg)
រីឯលោកស្រី Elise Stefanik អ្នកតំណាងគណបក្សសាធារណរដ្ឋសម្រាប់មណ្ឌលទី២១នៃទីក្រុងញូវយ៉កបាននិយាយថា “វាមិនអាចប្រកែកបាននិងមែនជាអាមេរិកទាល់តែសោះដែលលោកប្រធានាធិបតី Biden កំពុងជ្រើសរើសផ្តល់អាទិភាពដល់ភេរវករដែលត្រូវបានផ្តន្ទាទោសនៅ Guantanamo ជាជាងមន្ត្រីជាន់ខ្ពស់ឬអតីតយុទ្ធជនដែលងាយរងគ្រោះ”។
![](https://www.kampucheathmey.com/wp-content/uploads/2021/01/38658806-9203535-Rep_Elise_Stefanik_the_Republican_representative_for_New_York_s_-a-19_1611982573717-copy.jpg)
ចំណែកអ្នកពន្លត់អគ្គិភ័យចូលនិវត្តន៍ក្នុងទីក្រុងញូវយ៉កលោក Michael O’Connell ដែលបានចូលរួមក្នុងការស្វែងរកនិងជួយសង្គ្រោះក្នុងព្រឹត្តិការណ៍ ៩/១១ បានប្រាប់កាសែតថា “វាពិតជាគួរឲ្យស្អប់ខ្ពើមណាស់។ ភេរវករទាំងនេះបានបង្កគ្រោះថ្នាក់ ប៉ុន្តែអ្នកស្នេហាជាតិគឺជាអ្នកដែលត្រូវរង់ចាំទទួលការចាក់វ៉ាក់សាំងទៅវិញ”។
![](https://www.kampucheathmey.com/wp-content/uploads/2021/01/38659568-9203535-image-m-18_1611982567597-copy.jpg)
លោក Khalid Sheikh Mohammed ត្រូវបានគេនិយាយថា ជាស្ថាបត្យករនៅពីក្រោយផែនការភេរវកម្មដែលបានសម្លាប់មនុស្សចំនួន២,៩៧៦នាក់ក្នុងទីក្រុងញូវយ៉ក វ៉ាស៊ីនតោនឌីស៊ីនិងផេនស៊ីលវេនៀកាលពីថ្ងៃទី១១ខែកញ្ញា។
លោក Mohammed គ្រោងនឹងត្រូវជំនុំជម្រះក្តីពាក់ព័ន្ធព្រឹត្តិការណ៍ ៩/១១ ជាមួយមនុស្ស៤នាក់ផ្សេងទៀតនៅឯតុលាការយោធា Guantanamo។
![](https://www.kampucheathmey.com/wp-content/uploads/2021/01/38653086-9203535-image-a-13_1611982451192-copy.jpg)
ពួកគេត្រូវបានចោទប្រកាន់ពីបទឧក្រិដ្ឋកម្មសង្គ្រាមរួមទាំងអំពើភេរវកម្មនិងការសម្លាប់មនុស្សជិត៣,០០០នាក់។
ពួកគេនឹងក្លាយជាមនុស្សដំបូងបង្អស់ដែលត្រូវបានជំនុំជម្រះក្តីក្នុងរយៈពេលជិត២០ឆ្នាំ បន្ទាប់ពីការវាយប្រហារ។ ប្រសិនបើរកឃើញថាមានកំហុស ពួកគេនឹងត្រូវទទួលទោសប្រហារជីវិត៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ សហរដ្ឋអាមេរិក ប្រកាសអាសន្នអំពើភេរវកម្មប្រឆាំងរដ្ឋាភិបាល
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?