ព័ត៌មានអន្ដរជាតិ
ក្រុមជួយសង្គ្រោះអាមេរិក រត់ប្រាស់អាយុ ដោយសារបំណាក់ដីភក់ បង្កឡើងដោយព្យុះត្រូពិក Hilary
វីដេអូមួយបានបង្ហាញពីក្រុមជួយសង្គ្រោះនិងអ្នកពន្លត់អគ្គិភ័យនៅក្នុងតំបន់ San Bernardino រត់ប្រាស់អាយុ ដោយសារតែការបាក់ដីភក់ដ៏ធំកាលពីចុងសប្តាហ៍ ដែលបង្កឡើងដោយព្យុះត្រូពិក Hilary។

ក្នុងវីដេអូដែលថតបានកាលពីរសៀលថ្ងៃអាទិត្យនៅតំបន់ Forest Falls នៃរដ្ឋកាលីហ្វ័រញ៉ា គេឃើញក្រុមអ្នកឆ្លើយតបដំបូង រត់គេចពីទឹក និងកាកសំណល់ភក់ ដែលហូរចុះចូលជ្រោះ។
យោងតាមគេហទំព័រ KTLA, គ្មាននរណាម្នាក់រងរបួសទេ ប៉ុន្តែការរអិលបាក់ដីនេះ បានបិទផ្លូវក្នុងតំបន់ ហើយធ្វើឲ្យក្រុមពន្លត់អគ្គិភ័យនៅឯស្ថានីយ៍ក្បែរនោះ ត្រូវជាប់គាំង។

ទោះបីជាយ៉ាងណាក៏ដោយ បំណាក់ដីភក់នេះមិនមែនជាឧប្បត្តិហេតុតែមួយឡើយ ពោលគឺរដ្ឋកាលីហ្វ័រញ៉ាភាគខាងត្បូង បានជួបប្រទះឧប្បត្តិហេតុទាក់ទងនឹងអាកាសធាតុជាច្រើនទៀត ខណៈពេលដែលខ្លួនត្រូវរងគ្រោះដោយភ្លៀងធ្លាក់ធ្ងន់ធ្ងរ និងខ្យល់បក់ខ្លាំង។
គួរបញ្ជាក់ថា នៅរសៀលថ្ងៃអាទិត្យទី២០ខែសីហា តំបន់ Ventura នៃរដ្ឋកាលីហ្វ័រញ៉ា ក៏ជួបការរញ្ជួយដីកម្រិត៥.១រ៉ិចទ័រផងដែរ ខណៈព្យុះត្រូពិក Hilary វាយប្រហារ។

មុនមកដល់សហរដ្ឋអាមេរិក ព្យុះត្រូពិក Hilary បានវាយប្រហារនិងបណ្តាលឲ្យបាក់នៅរដ្ឋ Baja California ក្នុងប្រទេសម៉ិកស៊ិក ហើយក្រោយមក សហរដ្ឋអាមេរិក បានចេញការព្រមានដល់ប្រជាជន ៤២លាននាក់នៅភាគខាងត្បូងរដ្ឋកាលីហ្វ័រញ៉ា។
គួរបញ្ជាក់ថា Hilary បានក្លាយជាព្យុះត្រូពិកទីមួយ ដែលវាយប្រហារតំបន់នេះ ចាប់តាំងពីព្យុះ Nora ក្នុងឆ្នាំ១៩៩៧៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ គ្រោះរញ្ជួយដី និងព្យុះត្រូពិក វាយប្រហាររដ្ឋកាលីហ្វ័រញ៉ា ក្នុងពេលតែមួយ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ