Breaking News! ថៃ រកបាននាយករដ្ឋមន្ត្រីថ្មីហើយ ក្រោយជាប់គាំងអស់​ពេល ៣ ខែ

ទីបំផុតសភាថៃនៅថ្ងៃអង្គារនេះបានសម្រេចបោះឆ្នោតគាំទ្រលោក ស្រេតថា ថាវីស៊ីន បេក្ខភាពមកពីគណបក្សភឿថៃ ឲ្យធ្វើជានាយករដ្ឋមន្ត្រីទី ៣០ របស់ប្រទេសជាផ្លូវការ ។

មុនទទួលបានសំឡេងគាំទ្រលើសការរំពឹងទុកនេះ គណបក្សភឿថៃប្រមែប្រមូលបានគណបក្សចំនួន ១១ ចូលក្នុងក្រុមចម្រុះ និងមានសំឡេងសរុប ៣១៤ ខណៈដើម្បីក្លាយជានាយករដ្ឋមន្ត្រីគណបក្សឈ្នះឆ្នោតត្រូវសំឡេងគាំទ្រ ៣៧៦ ។

គួរបញ្ជាក់ថា ការជ្រើសរើសបាននាយករដ្ឋមន្ត្រីថ្មីនេះ ក៏បញ្ចប់ភាពជាប់គាំងផ្នែកនយោបាយក្នុងការបង្កើតរដ្ឋាភិបាលថ្មីរបស់ថៃផងដែរ បន្ទាប់ពីអូសបន្លាយពេល ៣ ខែមកហើយ ចាប់តាំងពីការបោះឆ្នោតកាលពីថ្ងៃទី១៤ ខែឧសភាមក ៕

អត្ថបទ ៖ ជីវ័ន្ត

ចុចអាន ៖ លោក ថាក់ស៊ីន អញ្ជើញមកដល់ទឹកដី ថៃ វិញហើយ