ព័ត៌មានអន្ដរជាតិ
ព្រះមហាក្សត្រ ថៃ ត្រាស់បង្គាប់តែងតាំងលោក ស្រេតថា ជានាយករដ្ឋមន្ត្រីផ្លូវការ
អ្នកនាំពាក្យសភាថៃបាននិយាយនៅថ្ងៃពុធនេះថា ព្រះមហាក្សត្រថៃ មហា វ៉ាជីរ៉ាឡុងកន បានសម្រេចត្រាស់បង្គាប់ឲ្យលោក ស្រេតថា ថាវីស៊ីន ឡើងកាន់តំណែងជានាយករដ្ឋមន្ត្រីរបស់ប្រទេសនេះជាផ្លូវការ ។
លោក កាំពី ឌីតថាកន បានប្រាប់សន្និសីទសារព័ត៌មានថា “ប្រធានរដ្ឋសភាបានផ្ញើសារលិខិតមួយច្បាប់ថ្វាយទៅព្រះមហាក្សត្រអំពីលទ្ធផលនៃការបោះឆ្នោតជ្រើសរើសនាយករដ្ឋមន្ត្រីរួចហើយ ហើយព្រះមហាក្សត្រ ទ្រង់ក៏បានសម្រេចយល់ព្រមឲ្យលោក ស្រេតថា ធ្វើជានាយករដ្ឋមន្ត្រីទី ៣០ ប្រទេសផងដែរ” ។
ទន្ទឹមនោះ អ្នកនាំពាក្យសភារូបនេះបញ្ជាក់បន្ថែមទៀតថា អគ្គលេខាធិការដ្ឋានរដ្ឋសភាថៃក៏គ្រោងនឹងប្រគល់ព្រះរាជក្រឹត្យត្រាស់បង្គាប់តែងតាំងនេះទៅដល់ទីស្នាក់ការកណ្តាលរបស់គណបក្សភឿថៃនៅវេលាម៉ោង ៦ ល្ងាចនេះផងដែរ ។
គួរបញ្ជាក់ថា លោក ស្រេតថា ថាវីស៊ីន បេក្ខភាពមកពីគណបក្សភឿថៃ ត្រូវបានសមាជិករដ្ឋសភា និងព្រឹទ្ធសភាបោះឆ្នោតជ្រើសរើសជានាយករដ្ឋមន្ត្រីទី៣០ របស់ប្រទេសជាមួយនឹងសំឡេងគាំទ្រចំនួន ៤៨២, ប្រឆាំង ១៦៤ និងអនុបវាទចំនួន ៨១ សំឡេង ក្នុងចំណោមសមាជិកសភាទាំងពីរដែលមានចំនួនសរុប ៧២៨ រូប ៕
ប្រែសម្រួលដោយ ៖ ជីវ័ន្ត
ប្រភព ៖ Xinhua
ចុចអាន ៖ ថៃ រកបាននាយករដ្ឋមន្ត្រីថ្មីហើយ ក្រោយជាប់គាំងអស់ពេល ៥ ខែ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ