ដ្រូនទម្លាក់គ្រាប់បែក សម្លាប់មនុស្ស៣នាក់ ក្នុងទឹកដីរុស្ស៊ី

អភិបាលតំបន់ Belgorod របស់រុស្ស៊ី បាននិយាយនៅថ្ងៃពុធទី២៣ខែសីហាថា ជនស៊ីវិលបីនាក់ ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើក នៅភូមិមួយ ជិតព្រំដែនអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vyacheslav Gladkov បានបង្ហោះនៅលើ Telegram ថា “កងកម្លាំងប្រដាប់អាវុធអ៊ុយក្រែន បានប្រើដ្រូនទម្លាក់គ្រាប់បែក នៅពេលមនុស្សកំពុងធ្វើដំណើរតាមដងផ្លូវ”។

ទោះបីជាយ៉ាងណាក៏ដោយ អ៊ុយក្រែន ​មិន​ទាន់​ធ្វើ​អត្ថាធិប្បាយ​លើ​ការ​អះអាង​ចុង​ក្រោយ​នេះ​នៅ​ឡើយ​ទេ ស្របពេលដែលការវាយប្រហារដោយយន្តហោះដ្រូននៅអ៊ុយក្រែន និងរុស្ស៊ី កាន់តែខ្លាំងឡើងៗ ក្នុងរយៈពេលប៉ុន្មានខែថ្មីៗនេះ ។

ទីតាំងមួយចំនួន បានរងការវាយប្រហារជាច្រើនលើកច្រើនសា ហើយទីភ្នាក់ងារសារព័ត៌មាន AFP រាយការណ៍ថា ការវាយប្រហារកាលពីយប់ថ្ងៃអង្គារលើទីក្រុងមូស្គូ គឺជាការវាយប្រហារ ៦ យប់ជាប់ៗគ្នានៅក្នុងតំបន់ដដែលនេះ៕

ប្រែសម្រួល៖​ Vann Vann

ប្រភព៖ BBC

ចុចអាន៖ ដ្រូនអ៊ុយក្រែន ចូលកម្ទេច យន្តហោះទម្លាក់គ្រាប់បែកតម្លៃ២៧០លានដុល្លាររបស់រុស្ស៊ី ដល់ក្នុងបន្ទាយ