ព័ត៌មានអន្ដរជាតិ

បុរសម្នាក់បំពុលប្រពន្ធ និងកូនស្រី ៣ នាក់ ដោយឧស្ម័នកាបូនម៉ូណូអុកស៊ីត នៅប្រទេសវៀតណាម

បានផុស

១ year មុន

នៅ

ថ្ងៃសុក្រ ២៥ សីហា ២០២៣

ដោយ

កាលពីថ្ងៃពុធ ទី២៣ ខែសីហា ប៉ូលិសក្នុងខេត្ត Khanh Hoa ភាគខាងត្បូងប្រទេសវៀតណាម បានឃាត់ខ្លួនបុរសអាយុ ៥២ ឆ្នាំម្នាក់ ពីបទបំពុលប្រពន្ធ និងកូនស្រី ៣ នាក់ ដោយឧស្ម័នកាបូនម៉ូណូអុកស៊ីត (CO) ខណៈពួកគេកំពុងដេកពេលព្រលឹម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ho Xuan Hai រស់នៅក្នុងឃុំ Cam An Nam ស្រុក Cam Lam សារភាពថា ខ្លួនពិតជាបានប្រើឧស្ម័នកាបូនម៉ូណូអុកស៊ីត ដើម្បីបំពុលសមាជិកគ្រួសារមែន ។ Ho ធ្វើបែបនេះដោយសារ គាត់បានវិនិយោគប្រាក់ជាច្រើនលើកសិដ្ឋានចិញ្ចឹមជ្រូក ប៉ុន្តែបរាជ័យ ហើយមិនអាចសងបំណុលគេបាន ។

ដូច្នេះ Ho បានទិញឧស្ម័ន កាបូនម៉ូណូអុកស៊ីត ពីអ៊ីនធឺនណិត និងរៀនពីរបៀបប្រើវាសម្លាប់មនុស្ស ។

ខណៈពេលដែលប្រពន្ធនិងកូនរបស់គាត់កំពុងដេក Ho បានបញ្ចេញឧស្ម័នពុលទៅក្នុងបន្ទប់គេងរបស់ពួកគេ ។ ក្រោយមក Ho ក៏បានស្រូបយកឧស្ម័នខ្លះដែរ ប៉ុន្តែនៅមានជីវិតនៅឡើយទេ ។

នៅព្រឹកថ្ងៃពុធ អ្នកស្រុកក្នុងសង្កាត់របស់ពួកគេបានរកឃើញសាកសពប្រពន្ធអាយុ ៤៩ ឆ្នាំ និងកូនបីនាក់អាយុ ២១ ឆ្នាំ ១៤ និង ១០ ឆ្នាំ ចំណែកឯ Ho វិញពុលឧស្ម័នស្ទើរតែដកដង្ហើមមិនរួចផង ។ ពេលនេះ Ho កំពុងសម្រាកព្យាបាលនៅមន្ទីរពេទ្យ Cam Ranh General និងទទួលការថែទាំយ៉ាងយកចិត្តទុកដាក់ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ ក្មេងប្រុសវៀតណាមអាយុ ២ ឆ្នាំ ច្រឡំផឹកទឹកលាងបង្គន់ បណ្ដាលឲ្យរលាកកម្រិតធ្ងន់

ចុចអាន៖ ក្រសួងសុខាភិបាល វៀតណាម បញ្ជាឲ្យទប់ស្កាត់ឧស្ម័នឌីអាសូតម៉ូណូអុកស៊ីត