ព័ត៌មានអន្ដរជាតិ

ប្រទេសចំនួន ៦ នឹងចូលរួមជាមួយប្លុកដែលមាន រុស្ស៊ី និងចិន ជាផ្លូវការ នៅឆ្នាំក្រោយ

បានផុស

១ year មុន

នៅ

ថ្ងៃសុក្រ ២៥ សីហា ២០២៣

ដោយ

ប្រទេសចំនួន ៦ រួមមានអាហ្សង់ទីន អេហ្ស៊ីប អេត្យូពី អ៊ីរ៉ង់ អារ៉ាប៊ីសាអូឌីត និងអារ៉ាប់រួម នឹងចូលរួមជាមួយក្រុមប្រទេសដែលមានសេដ្ឋកិច្ចកំពុងរីកចម្រើន BRICS ជាផ្លូវការនៅខែមករា ឆ្នាំ២០២៤ បន្ទាប់ពីប្រទេសទាំងនេះត្រូវបានអនុម័តដោយមេដឹកនាំនៃប្រទេសជាសមាជិកបច្ចុប្បន្ន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្ត ក៏ដូចជាការឯកភាពគ្នានេះត្រូវបានធ្វើឡើងកាលពីថ្ងៃព្រហស្បតិ៍ ទី២៤ ខែសីហា នៅក្នុងកិច្ចប្រជុំកំពូលរបស់ប្លុក BRICS ដែលមានប្រទេសប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូងនៅក្នុងទីក្រុង Johannesburg ។

ពាក់ព័ន្ធនឹងបញ្ហានេះដែរ លោកប្រធានាធិបតីអាហ្រ្វិកខាងត្បូង Cyril Ramaphosa ដែលជាប្រធាននៃកិច្ចប្រជុំកំពូលនេះ បាននិយាយថា “យើងបានឈានដល់កិច្ចប្រជុំឯកភាពគ្នា ដើម្បីអញ្ជើញប្រទេសទាំង ៦ នេះឲ្យចូលរួមជាសមាជិកជាផ្លូវការនៅខែមករាឆ្នាំក្រោយ” ។

ទន្ទឹមនោះ ក្នុងអំឡុងពេលសន្និសីទសារព័ត៌មាន ក្រោយបញ្ចប់កិច្ចប្រជុំនេះដែរ លោកប្រធានាធិបតីចិន Xi Jinping បានហៅការពង្រីកខ្លួនរបស់ប្លុក BRICS ថាជា រឿងប្រវត្តិសាស្ត្រមិនធ្លាប់មានទាល់តែសោះ ខណៈប្រធានាធិបតីរុស្ស៊ី លោក Vladimir Putin ដែលបានចូលរួមកិច្ចប្រជុំកំពូលតាមអនឡាញ ក៏បានស្វាគមន៍ចំពោះការបន្ថែមសមាជិកថ្មីនេះផងដែរ ។

គួរបញ្ជាក់ថា ប្រទេសប្រហែល ២០ រួមទាំងប្រទេសទាំង ៦ ខាងលើនេះសុទ្ធតែបង្ហាញពីបំណងចូលរួមជាមួយប្លុក BRICS ខណៈក្រុមអ្នកវិភាគលើកឡើងថា ចិន និងរុស្ស៊ីមានគោលបំណងពង្រីកក្រុមប្រទេស BRICS ដើម្បីប្រើប្រាស់ប្លុកនេះជាការប្រឆាំងទៅនឹងលោកខាងលិច ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសជាង ២០ ដាក់ពាក្យសុំចូលរួមជាមួយប្លុកដែលមាន រុស្ស៊ី និងចិន