ព័ត៌មានអន្ដរជាតិ
បែកធ្លាយបញ្ជីសមាជិកគណៈរដ្ឋមន្ត្រីថ្មីរបស់ ថៃ ៖ លោក សេតថា អាចកាន់តំណែង ២ ក្នុងពេលតែមួយ
យោងតាមការចុះផ្សាយរបស់សារព័ត៌មានថៃ The Nation បានឲ្យដឹងកាលពីថ្ងៃព្រហស្បតិ៍ថា លោក សេតថា ថាវីស៊ីន អាចនឹងកាន់តំណែងចំនួន ២ ក្នុងពេលតែមួយ គឺជានាយករដ្ឋមន្ត្រីផង និងជារដ្ឋមន្ត្រីក្រសួងហិរញ្ញវត្ថុផងដែរ ។
យោងតាមបច្ចុប្បន្នភាពចុងក្រោយនៃបញ្ជីជ្រើសរើសសមាជិកគណៈរដ្ឋមន្ត្រីក្រោមការដឹកនាំដោយគណបក្សភឿថៃ ដែលរួមជាមួយគណបក្សចម្រុះចំនួន ១១ ផ្សេងទៀតនោះបានឲ្យដឹងថា ក្រៅពីតំណែងជានាយករដ្ឋមន្ត្រីទី ៣០ របស់ប្រទេសហើយ លោក ស្រេតថា ក៏អាចនឹងធ្វើជារដ្ឋមន្ត្រីក្រសួងហិរញ្ញវត្ថុផងដែរ ក្នុងគោលបំណងដើម្បីដឹកនាំគោលនយោបាយសេដ្ឋកិច្ច និងហិរញ្ញវត្ថុឲ្យកាន់តែមានភាពល្អប្រសើរ ។
ពាក់ព័ន្ធនឹងតំណែងជារដ្ឋមន្ត្រីក្រសួងហិរញ្ញវត្ថុនេះដែរ ក៏ត្រូវបានគេមើលឃើញថា គឺពិតជាស័ក្តិសមសម្រាប់លោក សេតថា ដោយសារបុរសវ័យ ៦១ រូបនេះ គឺកើតចេញពីត្រកូលអ្នកជំនួញ និងជាមហាសេដ្ឋីអចលនទ្រព្យស្រាប់ផង ជាពិសេសលោកធ្លាប់ដឹកនាំក្រុមហ៊ុន Sansiri ឲ្យក្លាយជាក្រុមហ៊ុនអចលនទ្រព្យឈានមុខគេក្នុងប្រទេសថៃកាលពីពេលកន្លងមក ។
ទោះយ៉ាងណា នេះគ្រាន់តែជាបញ្ជីក្រៅផ្លូវការប៉ុណ្ណោះ ខណៈសមាជិកគណៈរដ្ឋមន្ត្រីថ្មីរបស់ថៃដែលដឹកនាំដោយលោក សេតថា កំពុងស្ថិតនៅក្នុងការរៀបចំពិភាក្សាគ្នានៅឡើយ ហើយអាចចេញជាផ្លូវការរហូតដល់ចុងខែកញ្ញាខាងមុខឯណោះ ។
គួរបញ្ជាក់ថា លោក សេតថា ថាវីស៊ីន ត្រូវបានព្រះមហាក្សត្រត្រាស់បង្គាប់តែងតាំងជានាយករដ្ឋមន្ត្រីថ្មីរបស់ថៃជាផ្លូវការកាលពីថ្ងៃទី២៣ ខែសីហា ក្រោយទទួលសំឡេងគាំទ្រចំនួន ៤៨២, ប្រឆាំង ១៦៤ និងអនុបវាទចំនួន ៨១ សំឡេង ក្នុងចំណោមសមាជិកសភាទាំងពីរដែលមានចំនួនសរុប ៧២៨ រូប ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ លោក ប្រាយុទ្ធ សុំនាយករដ្ឋមន្ត្រីថ្មីធ្វើយ៉ាងណាកុំឲ្យកើតមានជម្លោះក្នុងប្រទេស
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា