ព័ត៌មានអន្ដរជាតិ

លោក Pita លុបងារជា “នាយករដ្ឋមន្ត្រី” ដែលធ្លាប់ដាក់លើប្រូហ្វាល់ IG និងបង្ហោះឃ្លិបសោកសៅ

បានផុស

១ year មុន

នៅ

ថ្ងៃសុក្រ ២៥ សីហា ២០២៣

ដោយ

លោក Pita Limjaroenrat បានលុបងារជាបេក្ខភាពនាយករដ្ឋមន្ត្រីទី៣០ ចេញពីប្រូហ្វាល់ Instagram ដោយជំនួសឲ្យពាក្យថា អ្នកនយោបាយ ព្រមទាំងបង្ហោះឃ្លិបក្នុងពេលលោកកំពុងឃោសនាបោះឆ្នោតជាមួយនឹងសំណេរដ៏សោកសៅនិងខកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២៥ ខែសីហា នេះ អ្នកយកព័ត៌មានបានរាយការណ៍ថា បន្ទាប់ពីព្រះមហាក្សត្រតែងតាំងលោក Srettha Thavisin ជានាយករដ្ឋមន្ត្រីទី៣០ របស់ប្រទេសថៃរួចមក នាពេលថ្មីៗនេះ នៅលើ Instagram មេដឹកនាំគណបក្សចលនាឆ្ពោះទៅមុខ លោក Pita បានសម្រេចលុបងារដែលលោកធ្លាប់ដាក់ថាជា បេក្ខជននាយករដ្ឋមន្ត្រីទី៣០ ចេញពីគណនី Instagram ផ្ទាល់របស់លោក ដោយបន្សល់ទុកតែពាក្យថា អ្នកនយោបាយ មកវិញ។

លើសពីនេះទៀតដែរ មេដឹកនាំគណបក្សចលនាឆ្ពោះទៅមុខរូបនេះ បានចែករំលែកឃ្លិបពីអ្នកប្រើប្រាស់ TIKTOK ម្នាក់ដោយយកទៅបង្ហោះក្នុងស្ទូរីលើបណ្ដាញសង្គមដដែល។ ក្នុងពេលដែលលោកបានទៅតំបន់មួយដើម្បីឃោសនាបោះឆ្នោត រួមជាមួយនឹងខេបសិនយ៉ាងសោកសៅនិងសម្ដែងការខកចិត្តថា “បោះជំហានទៅមុខ គ្មាននរណា ក្រៅពីប្រជាពលរដ្ឋនោះទេ”។

យ៉ាងណាមិញតាមរយៈការបង្ហោះរបស់លោក Pita លើបណ្ដាញសង្គម IG កើតឡើងក្រោយពេលព្រះមហាក្សត្រថៃបានប្រោះប្រទានតែងតាំងលោក Srettha Thavisin ជានាយករដ្ឋមន្ត្រីទី៣០ ខណៈសំឡេងឆ្នោតដែលបោះប្រឆាំង មិនឲ្យធ្វើជានាយករដ្ឋមន្ត្រី ស្ទើរតែទាំងអស់កើតចេញពីបក្សចលនាឆ្ពោះទៅមុខ៕