លោក សេតថា ក្លាយជាមេដឹកនាំទី២ មានកម្ពស់ខ្ពស់ជាងគេលើពិភពលោក

នាយករដ្ឋមន្ត្រីថ្មីរបស់ថៃលោក សេតថា ថាវីស៊ីន (Srettha Thavisin) បានបង្កើតកំណត់ត្រាថ្មីមួយ ដោយសារតែកម្ពស់ដ៏ខ្ពស់របស់លោក ថ្វីបើ​បុរសម្នាក់នេះ​មិនទាន់បាន​ចាប់ផ្តើម​ការងារជាមេដឹកនាំរបស់ប្រទេស​ក៏ដោយ។

លោក សេតថា ថាវីស៊ីន មានកម្ពស់ ១.៩២ សង់ទីម៉ែត្រ លើអ្នកស្នងតំណែងមុនគឺលោក ប្រាយុទ្ធ ចាន់អូចា ដែលមានកម្ពស់១.៧៨ សង់ទីម៉ែត្រ និងជា​នាយក​រដ្ឋមន្ត្រី​ដែល​ខ្ពស់​បំផុត​មិន​ធ្លាប់​មាន​របស់​ប្រទេស​ថៃផងដែរ។

ទន្ទឹមនោះដែរ បច្ចុប្បន្ននេះបុរសកូន៣និងមានភរិយាជាវេជ្ជបណ្ឌិតរូបនេះ ជា​មេដឹកនាំ​អាស៊ាន​ដែលមាន​កម្ពស់​ខ្ពស់​ជាងគេបង្អស់​ ​ក្នុងពេលដែលអតីត​មេដឹកនាំ​សិង្ហបុរី លោក Goh Chok Tong មាន​កម្ពស់​ ១.៩០សង់ទីម៉ែត្រប៉ុណ្ណោះ។

យោងតាមគេហទំព័រ South China Morning Post (SCMP) បាន​បញ្ជាក់​ឲ្យ​ដឹងថា​ ក្នុង​ចំណោម​មេដឹកនាំ​ពិភពលោក​ ​ប្រធានាធិបតីនៃ​ប្រទេសស៊ែប៊ី លោក Aleksandar Vučić មានកំពស់ខ្ពស់​ជាងគេលើពិភពលោក ពោលគឺ ១,៩៨ សង់ទីម៉ែត្រ​ឯណោះ។

យ៉ាងណាមិញ​មកដល់ពេលនេះ លោក សេតថា ថាវីស៊ីន ជាបុរស​​ខ្ពស់​ជាង​គេ​ទី​២ក្នុង​ចំណោម​មេដឹកនាំ​ពិភពលោក ខណៈដែល​អតីតប្រធានាធិបតីអាមេរិកលោក Donald Trump និង​នាយករដ្ឋមន្ត្រី​កាណាដា Justin Trudeau មាន​កំពស់​ត្រឹមតែ ១,៨៨ សង់ទីម៉ែត្រ។ មេដឹកនាំពិភពលោកទាំងនោះ​បាន​ត្រូវ​សារព័ត៌មាន​ធំៗ​ដាក់​ចំណងជើងថា ​ជា​មេដឹកនាំ​ពិភពលោក​ដែល​ខ្ពស់ជាង​គេ​លំដាប់​ទី​ពីរ​រហូត​ដល់​បច្ចុប្បន្ន៕

ប្រែសម្រួល៖ សាង ស្រីល័ក្ខ

ចុចអាន៖បែកធ្លាយបញ្ជីសមាជិកគណៈរដ្ឋមន្ត្រីថ្មីរបស់ ថៃ ៖ លោក សេតថា អាចកាន់​តំណែង ២ ក្នុងពេលតែមួយ

ចុចអាន៖មកដឹងលេខបន្ទប់ដែលលោក ថាក់ស៊ីន កំពុងសម្រាកព្យាបាលនៅពេទ្យ​ប៉ូលិសក្រុងបាងកក