Breaking News! កងទ័ពចាប់ខ្លួន លោកស្រី ស៊ូជី និងប្រធានាធិបតីមីយ៉ាន់ម៉ា

លោកស្រី អ៊ុងសាន ស៊ូជី មេដឹកនាំគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ត្រូវបានចាប់ខ្លួន។ នេះបើតាមការបញ្ជាក់ពីអ្នកនាំពាក្យគណបក្ស។

រឿងនេះបានកើតឡើងចំពេលភាពតានតឹងរវាងរដ្ឋាភិបាលស៊ីវិលនិងយោធា បានបង្កឲ្យមានភាពភ័យខ្លាចចំពោះការធ្វើរដ្ឋប្រហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្ស NLD បានឈ្នះអាសនៈគ្រប់គ្រាន់នៅក្នុងសភាដើម្បីបង្កើតរដ្ឋាភិបាលកាលពីខែវិច្ឆិកា ប៉ុន្តែកងទ័ពនិយាយថា ការបោះឆ្នោតនោះគឺជាការក្លែងបន្លំ។

កងទ័ពបានអំពាវនាវឲ្យរដ្ឋាភិបាលពន្យារពេលកោះប្រជុំសភា ដែលនឹងគ្រោងធ្វើឡើងនៅថ្ងៃចន្ទនេះ។

អ្នកនាំពាក្យលោក Myo Nyunt បានប្រាប់ទីភ្នាក់ងារសារព័ត៌មាន Reuters តាមទូរស័ព្ទថា លោកស្រីស៊ូជី, លោកប្រធានាធិបតី Win Myint និងមេដឹកនាំដទៃទៀតត្រូវបានចាប់ខ្លួននៅព្រឹកព្រលឹមថ្ងៃចន្ទនេះ។

លោកនិយាយថា “ខ្ញុំចង់ប្រាប់ប្រជាជនរបស់យើង កុំទាន់ប្រញាប់ឆ្លើយតបពេក ហើយខ្ញុំចង់ឲ្យពួកគេធ្វើទៅតាមច្បាប់”។ លោកបានបន្ថែមថា សូម្បីតែខ្លួនលោកក៏ប្រហែលជានឹងត្រូវគេចាប់ខ្លួនដែរ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ គណបក្សលោកស្រី ស៊ូជី ទទួលបានអាសនៈគ្រប់គ្រាន់ដើម្បីបង្កើតរដ្ឋាភិបាលថ្មីរបស់មីយ៉ាន់ម៉ា