អង់គ្លេស ចង្អុលចំឈ្មោះបុគ្គលម្នាក់ ថានៅពីក្រោយ ការធ្លាក់យន្តហោះរបស់លោក Prigozhin 

ភ្នាក់ងារស៊ើបការណ៍សម្ងាត់អង់គ្លេសជឿថា មេបញ្ជាការវិមានក្រឹមឡាំងដែលរៀបចំការបំពុលនៅទីក្រុង Salisbury នៃប្រទេសអង់គ្លេស គឺមានតួនាទីក្នុងការធ្វើឃាតមេទាហានស៊ីឈ្នួលរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការវាយតម្លៃ, លោកឧត្តមសេនីយ៍ Andrey Averyanov គឺបានគុំកួនហើយខឹងសម្បា ជាមួយលោក Yevgeny Prigozhin យូរមកហើយ។

ទោះបីជាយ៉ាងណាក៏ដោយ ចារកម្មអង់គ្លេស មិនបានបង្ហាញព័ស្តុតាងណាមួយទេ។

លោក Averyanov ជាអ្នកទទួលបន្ទុកហើយបញ្ជូនក្រុមចារកម្មទៅប្រទេសអង់គ្លេសក្នុងឆ្នាំ២០១៨ ដើម្បីសម្លាប់ភ្នាក់ងារម្នាក់ឈ្មោះ Sergei Skripal ហើយពេលនេះ គាត់ត្រូវបានគេសន្មត់ថា អាចកាន់តំណែងគ្រប់គ្រងកងកម្លាំងនៅតំបន់អាហ្វ្រិកខាងជើង។

ប្រភពស៊ើបការណ៍សម្ងាត់របស់ចក្រភពអង់គ្លេស បានប្រាប់កាសែតមួយថា “មនុស្សជាច្រើនរួមទាំងខ្ញុំផងដែរ គិតថា ថ្ងៃរបស់លោក Prigozhin ត្រូវបានគេរាប់។ មានការលើកឡើងជាច្រើនពាក់ព័ន្ធឈ្មោះ Averyanov”។

គួរបញ្ជាក់ជាថ្មី​ លោក Averyanov បានដឹកនាំអង្គភាពប្រតិបត្តិការសម្ងាត់មួយ ដែលបំពេញបេសកកម្មនៅក្រៅប្រទេស ដូចជាការប៉ុនប៉ងធ្វើឃាតលោក Skripal និងកូនស្រីរបស់គាត់ Yulia ជាដើម។

គាត់បានណែនាំខ្លួនគាត់ទៅកាន់មេដឹកនាំអាហ្រ្វិក នៅឯកិច្ចប្រជុំកំពូលក្នុងទីក្រុង St Petersburg កាលពីខែមុន ដែលជាហេតុធ្វើឲ្យគេសង្ស័យថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន នឹងតែងតាំងគាត់ឲ្យដឹកនាំសកម្មភាពរបស់ក្រុមទាហានស៊ីឈ្នួល Wagner នៅទ្វីបអាហ្វ្រិក៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ឆ្លើយតបទៅអ្នកវិភាគដែលចោទថា លោក ពូទីន រៀបចំផែនការទម្លាក់ យន្តហោះធ្វើឃាតមេទាហានស៊ីឈ្នួល