ព័ត៌មានអន្ដរជាតិ

ដឹងទេថា អ្នកនយោបាយថៃរូបណាដែលមានអ្នកតាមលើបណ្ដាញសង្គមហ្វេសបុកច្រើនជាងគេ?

បានផុស

១ year មុន

នៅ

ថ្ងៃចន្ទ ២៨ សីហា ២០២៣

ដោយ

ការបោះឆ្នោតឆ្នាំ ២០២៣បានបង្ហាញថា ប្រព័ន្ធផ្សព្វផ្សាយសង្គមដើរតួនាទីយ៉ាងសំខាន់ក្នុងប្រជាប្រិយភាពរបស់អ្នកនយោបាយ និងគណបក្ស។ ជាមួយគ្នានេះ អ្នកប្រើប្រាស់អ៊ិនធឺណិតក៏តាមដានព័ត៌មាន និងចលនាតាមរយៈបណ្តាញបែបនេះផងដែរ។

តើអ្នកនយោបាយថៃណារូបណាដែលមានប្រជាប្រិយភាពខ្លាំង និងមានអ្នកតាមដានច្រើនជាងគេនៅលើប្រព័ន្ធផ្សព្វផ្សាយសង្គម Facebook នាបច្ចុប្បន្ននេះដែរ?

១ លោកស្រី យីងឡាក់ ស៊ីណាវ៉ាត្រា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាលោកស្រីលែងបង្ហាញវត្តមានលើឆាកនយោបាយយ៉ាងណាក្ដី ប៉ុន្តែអតីតនាយករដ្ឋមន្ត្រីថៃរូបនេះ នៅតែអ្នកតាមដានលើបណ្ដាញសង្គមហ្វេសបុកច្រើនជាគេបង្អស់ដល់ទៅ ៦.២លាននាក់។

២ លោក ថាក់ស៊ីន ស៊ីណាវ៉ាត់ត្រា

មិនខុសពីប្អូនស្រីរបស់លោក អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា នៅតែមនុស្សតាមដានអំពីចលនានៃជីវិតរបស់លោកជាប់ជានិច្ច។ ក្នុងនោះគណនីហ្វេសបុករបស់លោកមានចំនួន២.៩លាននាក់។

៣ លោក Chadchart Sittipunt

បើទោះបីជាមានឈ្មោះជាអភិបាលក្រុងបាងកកក្ដី ប៉ុន្តែលោក Chadchart Sittipunt តែងតែបង្ហោះពីចលនាជីវិតរបស់លោកតាមរយៈបណ្ដាញសង្គហ្វេសបុក ពីសកម្មភាពនិងក្នុងនាមជាមេដឹកនាំទីក្រុងមួយនេះ។ គណនីហ្វេសបុករបស់លោកមកទល់ពេលនេះ ទទួលបានមនុស្សតាមដានជាង ២.៧លាននាក់។

៤ លោក Pita Limjaroenrat

បើទោះបីជាលោកភិថាមិនទទួលបានសំឡេងឆ្នោតពីសមាជិកសភា ឲ្យក្លាយជានាយករដ្ធមន្រ្តីទី៣០របស់ថៃ ប៉ុន្តែលោកនៅតែទទួលបានការគាំទ្រពីសំណាក់ប្រជាជន រហូតមានអ្នកតាមដានដល់ទៅ ២.២ លាននាក់នៅគណនីហ្វេសបុក។

៥ លោក Thanathorn Juangroongruangkit

អ្នកនយោបាយដ៏ស្រស់សង្ហា Thanathorn Juangroongruangkit ដែលមកពីគណបក្សចលនាឆ្ពោះទៅមុខ។ក្នុងនាមជាអនុប្រធានក្រុមហ៊ុន Thai Summit Group ដែលជាក្រុមហ៊ុនផលិតគ្រឿងបន្លាស់រថយន្តដ៏ធំបំផុតរបស់ប្រទេសថៃ មិនមែនជារឿងចម្លែក ដែលបុរសរូបនេះមានអ្នកតាមដាន ២.១ លាននាក់។

៦ លោក Abhisit Vejjajiva

លោក Abhisit Vejjajiva ជាអ្នកនយោបាយដែលបានធ្វើជានាយករដ្ឋមន្ត្រីថៃពីឆ្នាំ ២០០៨ ដល់ឆ្នាំ ២០១១។ បើទោះបីជាមានឈ្មោះជាអតីតនាយករដ្ឋមន្ត្រី ប៉ុន្តែបុរសវ័យ៥៩ឆ្នាំនៅតែមានអ្នកតាមដានលើហ្វេសបុក២.១លាននាក់ផងដែរ។

៧ លោក Sereepisuth Temeeyaves

ឧត្ដមសេនីយ៍ឯក Sereepisuth Temeeyaves គឺជាមេដឹកនាំគណបក្សសេរីនិយមថៃ ( leader of Thai Liberal Party)។ អ្នកនយោបាយថៃរូបនេះមានអ្នកតាមដានលើគណនីហ្វេសបុកផ្ទាល់ខ្លួនរបស់លោកដល់ទៅ ១.៨លាននាក់។

៨ ឧត្តមសេនីយ៍ ប្រាយុទ្ធ ចាន់អូចា

ទោះបីជាលោកប្រាយុទ្ធលែងជានាយករដ្ឋមន្ត្រីរបស់ប្រទេសថៃក៏ពិតមែន ប៉ុន្តែអ្នកនយោបាយចូលនិវត្តន៍ និងជាមន្ត្រីយោធារូបនេះ នៅតែមានប្រជាជនចូលតាមដានពីជីវិតនិងការងាររបស់លោកដូចសព្វដង នៅលើបណ្ដាញសង្គមហ្វេសបុក ១.៣លាននាក់។

៩ លោក Jurin Laksanawisit

លោក Jurin Laksanawisit គឺជាអ្នកនយោបាយគណបក្សប្រជាធិបតេយ្យ និងជាអ្នកនិពន្ធជនជាតិចិន។ លោកធ្លាប់ជាអតីតរដ្ឋមន្ត្រីក្រសួងសុខាភិបាល និងជារដ្ឋមន្ត្រីក្រសួងអប់រំ អំឡុងពេលលោក Abhisit Vejjajiva ជានាយករដ្ឋមន្ត្រី រួមជាមួយសមាជិកសភាតំណាងចំនួន ១១ ដង។ ត្បិតថាមិនមានមុខងារអ្វីជាដំកំភួន ប៉ុន្តែលោកនៅតែមានអ្នកតាមដាន១.១ លាននាក់។

១០ លោក សេតថា ថាវីស៊ីន

ទើបតែចាប់ឆ្នោតក្លាយជានាយករដ្ឋមន្ត្រីទី៣០របស់ថៃ លោកសេតថា ថាវីស៊ីន ហាក់ទទួលបានប្រជាប្រិយភាពកាន់តែខ្លាំងក្លា ក្រោយប្រែខ្លួនពីអ្នកអភិវឌ្ឍន៍អចលនទ្រព្យទៅជាអ្នកនយោបាយមួយរូបដោយលោកទទួលបានអ្នកតាមដានលើហ្វេសបុកដល់ទៅ១២៦ពាន់នាក់៕

អត្ថបទ៖ សាង ស្រីល័ក្ខ

ចុចអាន៖មេពន្ធនាគារ ថៃ ប្រាប់បែបបទដែលលោក ថាក់ស៊ីន អាចសុំការលើកលែងទោសពីព្រះមហាក្សត្រ