លោក ភិថា បញ្ជាក់រឿងស្នេហាម្ដងទៀតថា ទ្វារបេះដូងនៅតែបើកចំហ

លោក ភិថា លីមចារើនរ៉ាត់ បានបញ្ជាក់ច្បាស់ៗជាថ្មីម្ដងទៀតថា​ លោកពិតជាគ្មានគូស្នេហ៍ដូចពាក្យចចាមអារ៉ាមដែលលេចឮកន្លងមកនោះទេ ខណៈពេលនេះត្រូវមើល​ថែ​កូន​ស្រីជា​ចម្បង​ និងមិនបានបិទទ្វារបេះដូងឡើយ។

កាលពីថ្ងៃទី២៦​ ខែសីហានេះ អំឡុងពេលដែលលោក ភិថា លីមចារើនរ៉ាត់ មេដឹកនាំ​គណបក្ស​ចលនា​ឆ្ពោះ​ទៅ​មុខ ធ្វើ​ទស្សនកិច្ចនៅស្រុក Khao Chamao ខេត្ត Rayong ដើម្បីជួយ Yo-Phongsathorn Sornphetnarin បេក្ខជនមណ្ឌល៣ ធ្វើយុទ្ធនាការបោះឆ្នោតជ្រើសតាំង​តំណាងរាស្ត្រ​ដែល​នឹងប្រព្រឹត្តទៅនៅថ្ងៃទី១០ ខែកញ្ញា។

យ៉ាងណាមិញ ក្រោយសម្រាកពីយុទ្ធនាការបោះឆ្នោត​ ក្រុមការងារគណបក្សនិងលោក​បានឈប់នៅភោជនីយដ្ឋានក្បែរផ្លូវ ដើម្បីទទួលទានអាហារថ្ងៃត្រង់។ ដោយក្នុងនោះ លោក​ភិថា​បានឆ្លៀត​ជជែកជាមួយ​អ្នកសារព័ត៌មាន​លើប​ញ្ហា​ផ្សេងៗ ព្រមទាំងចំណងមិត្តភាពផ្ទាល់របស់លោកផងដែរ។

ដោយសារតែជាឱកាសល្អ ទើបក្រុម​អ្នក​យក​ព័ត៌បានជជីក​សួរ​ពី​រឿង​ស្នេហា ស្របពេលដែលមេដឹកនាំ​គណបក្យ​ចលនា​ឆ្ពោះ​ទៅមុខរូបនេះ បានប្រាប់ពួកគេថា អាចសួរលោកបានមិនថាជាបញ្ហា​នយោបាយ​បច្ចុប្បន្ន​ ឬ​ផ្ទាល់ខ្លួន​នោះទេ

ជាមួយគ្នានោះដែរ​ក្រុមអ្នក​យក​ព័ត៌មាន​បាន​សួរចំៗពាក់ព័ន្ធនឹងបញ្ហាបេញដូង តើមកដល់ពេលនេះ​លោកគិតយ៉ាងម៉េចដែរ? បុរសវ័យ៤២ឆ្នាំរូបនេះបានឆ្លើយដោយមិនចាំបាច់គិតយូរថា “ខ្ញុំ​មិន​បាន​និយាយ​ជា​មួយ​អ្នក​ណា​ជាពិសេស​ទេ ​ឥឡូវ​នេះ​ខ្ញុំ​នៅ​មាន​សេរីភាព​នៅ​ឡើយ។ មិនបានបិទទ្វារបេះដូង និងនៅតែជឿជាក់ថា ស្នេហាតែងតែស្រស់ស្អាតជានិច្ច”៕

ប្រែសម្រួល៖ សាង ស្រីល័ក្ខ

ចុចអាន៖ដឹងទេថា អ្នកនយោបាយថៃរូបណាដែលមានអ្នកតាមលើបណ្ដាញសង្គមហ្វេសបុកច្រើនជាងគេ?