ព័ត៌មានអន្ដរជាតិ

មនុស្ស១០នាក់ប៉ុណ្ណោះ ដែលអនុញ្ញាតឲ្យចូលសួរសុខទុក្ខលោក ថាក់ស៊ីន

បានផុស

២ years មុន

នៅ

ថ្ងៃអង្គារ ២៩ សីហា ២០២៣

ដោយ

កាលពីថ្ងៃទី២៨ ខែសីហា ក្រុមអ្នកយកព័ត៌មានជាច្រើនបានសម្រុកមកកាន់មន្ទីរពេទ្យដើម្បីតាមដាន និងរាយការណ៍ពីស្ថានភាពជំងឺរបស់អតីតនាយករដ្ឋមន្ត្រី ថាក់ស៊ីន ស៊ីណាវ៉ាត់ត្រា ក្រោយលោកស្ថិតក្នុងដំណាក់កាលដ៏គួរឲ្យព្រួយបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះផងដែរ នាយកដ្ឋានអប់រំកែប្រែ Remand ក៏ទម្លាយថា មានតែមនុស្សជិតស្និទ្ធ មេធាវីគ្រួសារ និងសាច់ញាតិដែលចុះហត្ថលេខា ទើបអាចចូលជួបលោក ថាក់ស៊ីន ស៊ីណាវ៉ាត្រា សម្រាកព្យាបាលនៅមន្ទីរពេទ្យថ្ងៃដំបូង បន្ទាប់ពីឃុំខ្លួន៥ថ្ងៃ តាមបទប្បញ្ញត្តិនៃនាយករដ្ឋានអប់រំកែប្រែ ។

ចំណែកឯការចូលសួរសុខទុក្ខនឹងត្រូវបានអនុញ្ញាតពីម៉ោង៨:៣០ ព្រឹក ដល់៣:០០រសៀល ខណៈក្រុមអ្នកសារព័ត៌មានវិញ មន្ទីរពេទ្យមានទីធ្លានៅខាងមុខអគារ ដើម្បីកុំឲ្យប៉ះពាល់ដល់សេវារបស់មន្ទីរពេទ្យ ដោយមានមន្ត្រីសន្តិសុខដើម្បីថែរក្សាសណ្ដាប់ធ្នាប់ជួយមើលបន្ថែម។

ទោះយ៉ាងណាក៏ដោយ យោងតាមសេចក្តីរាយការណ៍មួយបញ្ជាក់ថា មនុស្សទាំង១០នាក់ដែលត្រូវអនុញ្ញាតឲ្យចូលសួរសុខទុក្ខលោកថាក់ស៊ីន រួមមានកូនប្រុសច្បងលោក Panthongtae Shinawatra និងភរិយា, កូនស្រីទី២ Pintongtha Kunakornwong និងស្វាមី, កូនស្រីពៅលោកស្រី Paetongtarn Shinawatra ជាមួយស្វាមី ចៅប្រុស ១នាក់ព្រមទាំងមេធាវី ៣នាក់។

សូមបញ្ជាក់ថា បច្ចុប្បន្នអតីតនាយករដ្ឋមន្ត្រីថៃវ័យ ៧៤ ឆ្នាំរូបនេះកំពុងសម្រាកព្យាបាលជំងឺលើសឈាមនៅមន្ទីរពេទ្យប៉ូលិសជាន់ទី១៤ ក្នុងបន្ទប់លេខ ១៤០១ ក្រោយបញ្ជូនចេញពីមន្ទីរពេទ្យរបស់នាយកដ្ឋានអប់រំកែប្រែ Remand ក្នុងទីក្រុងបាងកកទាំងកណ្ដាលយប់ថ្ងៃទី២៣ ខែសីហាកន្លងទៅ បន្ទាប់ពីលោកមានអាការតឹងទ្រូង និងគេងមិនលក់៕