ព័ត៌មានអន្ដរជាតិ

លេចវត្តមានសេដ្ឋីថៃ ៦ រូប បង្ហាញភាពស្និទ្ធស្នាលជាមួយនាយករដ្ឋមន្ត្រីថ្មីលោក សេតថា

បានផុស

១ year មុន

នៅ

ថ្ងៃអង្គារ ២៩ សីហា ២០២៣

ដោយ

នាយករដ្ឋមន្ត្រីទី៣០របស់ថៃ លោកសេតថា ថាវីស៊ីន បានបង្ហោះនៅលើបណ្ដាញសង្គម X កាលពីយប់ថ្ងៃច័ន្ទ ទី២៩ ខែសីហា ជារូបភាពកាន់ភួងផ្កា និងថតរូបជាមួយក្រុមការងារគណបក្សភឿថៃ ព្រមទាំងអ្នកតំណាងមកពីវិស័យធុរកិច្ច មុនពេលចូលរួមអាហារពេលល្ងាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គមផ្ទាល់ខ្លួន នាយករដ្ឋមន្ត្រីថៃបានបង្ហោះដោយបញ្ជាក់ខេបសិនយ៉ាងមានអត្ថន័យថា “មានឱកាសស្ដាប់យោបល់ពីវិស័យធុរកិច្ច ពិតជាមានប្រយោជន៍ខ្លាំងណាស់សម្រាប់ការអភិវឌ្ឍន៍ប្រទេសជាតិ។ សូមអរគុណលោកបណ្ឌិត Vichit Suraphongchai និងភ្ញៀវទាំងអស់នៅថ្ងៃនេះ ដែលបានមកចូលរួមអបអរសាទរ”។

យ៉ាងណាមិញ បន្ថែមពីលើក្រុមបក្សភឿថៃ, ប្រធានគណៈកម្មាធិការគោលនយោបាយបបក្ស ក្នុងនោះគេឃើញសេដ្ឋីថៃ ៦ ធ្លាប់លេចមុខលើទស្សនាវដ្ដី Forbes និងជានាយកប្រតិបត្តិនៃក្រុមហ៊ុនផ្សេងៗពីវិស័យធុរកិច្ចជាច្រើន បានបង្ហាញខ្លួនស្និទ្ធស្នាលជាមួយនាយករដ្ឋមន្ត្រីថ្មីលោក សេតថាផងដែរ។

១ ក្រុមហ៊ុន CP

លោក Suphachai Chearavanont អនុប្រធានជាន់ខ្ពស់ និងជានាយកប្រតិបត្តិក្រុមហ៊ុន Charoen Pokphand Group Co., Ltd. (CP)។

២ ក្រុមហ៊ុន King Power

លោក Aiyawatt Srivaddhanaprabha នាយកប្រតិបត្តិ (CEO) ក្រុមហ៊ុន King Power Groupធំបំផុតរបស់ប្រទេសថៃ។

៣ ក្រុមហ៊ុន SCB

លោក Vichit Suraphongchai ប្រធានក្រុមប្រឹក្សាភិបាល ក្រុមហ៊ុន SCB X Public Limited និងជានាយកក្រុមហ៊ុន The Siam Commercial Bank Public Limited។

៤ ធនាគារ Siam Commercial

លោក Arthid Nanthawithaya នាយកប្រតិបត្តិ និងជាប្រធានក្រុមប្រឹក្សាប្រតិបត្តិនៃធនាគារ Siam Commercial Bank។

៥ ក្រុមហ៊ុនភេសជ្ជៈថៃ

លោក Thapana Sirivadhanabhakdi ប្រធានក្រុមហ៊ុន Thai Beverage Public Limited។

៦ ក្រុមហ៊ុនCH Karnchang PCL

លោក Plew Trivisvavet ប្រធាន និងជានាយកប្រតិបត្តិក្រុមហ៊ុន CH. Karnchang Public Company Limited។

ទោះយ៉ាងណាក៏ដោយ នេះមិនមែនជារឿងចម្លែកនោះទេដែលសេដ្ឋីថៃ ៦ រូបនេះលេចវត្តមានក្នុងពិធីជប់លៀងទទួលទានអាហារពេលល្ងាចជាមួយលោកសេតថា ថាវីស៊ីន។ ក្នុងនោះប្រជាជនថៃជាច្រើនសុទ្ធតែបានដឹងហើយថា នាយករដ្ឋមន្ត្រីទី៣០រូបនេះធ្លាប់ជាកំពូលអ្នកធុរកិច្ច មុនពេលប្រឡូកក្នុងឆាកនយោបាយមកដល់សព្វថ្ងៃ៕

ប្រែសម្រួល៖ សាង ស្រីល័ក្ខ

ប្រភព៖twitter

ចុចអាន៖មនុស្ស១០នាក់ប៉ុណ្ណោះ ដែលអនុញ្ញាតឲ្យចូលសួរសុខទុក្ខលោក ថាក់ស៊ីន