ព័ត៌មានអន្ដរជាតិ
ស្ត្រីវៀតណាម ១១ នាក់ ត្រូវគេបោកលក់ឲ្យបុរសចិនយកធ្វើជាប្រពន្ធ
ឃាត់ខ្លួនមនុស្ស ៦ នាក់នៅខេត្ត Bac Lieu ប្រទេសវៀតណាម ពីបទឆបោកស្ត្រី ១១ នាក់ ដើម្បីលក់ពួកគេឲ្យបុរសចិនយកធ្វើជាប្រពន្ធ ។
អ្នកលក់មានឈ្មោះ Luong Thi Hai អាយុ ៣១ ឆ្នាំ Pham Thi Tu អាយុ ៦១ ឆ្នាំ និងមនុស្ស ៤ នាក់ទៀត បានជួញដូរមនុស្សខុសច្បាប់ ដែលក្នុងនោះមានក្មេងស្រីអាយុក្រោម ១៦ ឆ្នាំ និងមនុស្សមានជំងឺផ្លូវចិត្តផងដែរ ។

នៅឆ្នាំ ២០១៥ Luong Thi Hai បានធ្វើដំណើរទៅប្រទេសចិនជាកម្មករ ហើយរៀបការនៅទីនោះ ។ បន្ទាប់ពីដឹងថា បុរសចិនជាច្រើនចង់បានប្រពន្ធវៀតណាម នាងសម្រេចចិត្តបោកស្រីៗ ដើម្បីយកពួកគេមកលក់តែម្ដង ។
ក្នុងឆ្នាំ ២០១៨ Hai បានស្គាល់ Tu និង Huynh Mong Linh អាយុ ៤៥ ឆ្នាំ តាមរយៈក្រុមមេអណ្ដើកឲ្យស្ត្រីវៀតណាម និងបុរសបរទេស ។ ពួកគេព្យាយាមស្វែងរកស្ត្រីមានស្ថានភាពលំបាក ឬមិនសូវចេះដឹង និងទើបតែលែងលះ ហើយបញ្ចុះបញ្ចូលឲ្យយកប្ដីចិន ។

ស្រីៗត្រូវថតរូបខ្លួនឯង អត្តសញ្ញាណប័ណ្ណ ហើយរង់ចាំគេបញ្ជូនទៅព្រំដែនតាមផ្លូវទៅប្រទេសចិន គឺខេត្ត Lang Son និង Cao Bang ដែលមានតម្លៃធ្វើដំណើរ ១ ៦៦០ ដុល្លារ ។
ទៅដល់ប្រទេសចិនភ្លាម ពួកគេនឹងត្រូវបានឃុំនៅសណ្ឋាគារក្នុងខេត្ត Henan ដើម្បីទុកឲ្យបុរសចិនអ្នករើស ។ ស្ត្រីណាដែលមិនព្រមនឹងត្រូវគេគម្រាម ឬប្រើអំពើហិង្សាលើយ៉ាងដំណំ ។

សម្រាប់តម្លៃខ្លួនវិញ បុរសចិននឹងឲ្យពី ៨ ០០០ ទៅ ១៦ ០០០ ដុល្លារក្នុងម្នាក់ ប៉ុន្តែប្រាក់ដល់ដៃគ្រួសារស្ត្រីរងគ្រោះបានត្រឹម ៨០០ ដុល្លារ ទៅ ៤ ០០០ ដុល្លារប៉ុណ្ណោះ ។
ក្រោយរៀបការរួច ជនរងគ្រោះប្រឈមនឹងត្រូវប្តីវាយធ្វើបាប ហើយទាមទារឲ្យសងប្រាក់ដែលទទួលបាន ក្នុងករណីចង់ត្រឡប់ទៅផ្ទះវិញ ។ អាជ្ញាធរបានឲ្យដឹងថា ចន្លោះឆ្នាំ ២០១៩ ដល់ឆ្នាំ ២០២២ ក្រុមអ្នកជួញដូររកចំណូលបានដល់ទៅ ៤០ ០០០ ដុល្លារ ៕
ប្រែសម្រួល៖ វារី
ចុចអាន៖ ស្រុកមួយនៅចិន ផ្តល់រង្វាន់សម្រាប់គូស្នេហ៍ ប្រសិនបើកូនក្រមុំមានវ័យក្មេង

-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៦ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត