ព័ត៌មានអន្ដរជាតិ

ពលរដ្ឋ ថៃ ប្រាប់ពីគោលបំណង បើទទួលបានលុយ ១ ម៉ឺនបាតពីរដ្ឋាភិបាលថ្មី

បានផុស

២ years មុន

នៅ

ថ្ងៃពុធ ៣០ សីហា ២០២៣

ដោយ

គម្រោងរបស់គណបក្សភឿថៃក្នុងការផ្តល់ទឹកប្រាក់ឌីជីថលចំនួន ១ម៉ឺនបាត (Digital Wallet) ជូនប្រជាជនថៃគ្រប់រូបដែលមានអាយុចាប់ពី១៦ឆ្នាំឡើងទៅ ពេលនេះបានក្លាយនិន្នាការវាយលុកពេញបណ្ដាញអ៉ិនធើណេត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹកប្រាក់ឌីជីថល១ ម៉ឺនបាត ដែលផ្ដល់ដោយគណបក្សភឿថៃកំពុងទទួលបានការចាប់អារម្មណ៍យ៉ាងខ្លាំង បន្ទាប់ពីលោក សេតថា ថាវីស៊ីន ក្លាយជានាយករដ្ឋមន្ត្រីទី ៣០ ហើយក៏រំពឹងថា រូបិយប័ណ្ណឌីជីថលនឹងត្រូវបានអនុវត្តនៅក្នុងត្រីមាសទីមួយនៃឆ្នាំ២០២៤។

ជាក់ស្ដែងក្នុងអំឡុងពេលនេះ បន្ថែមពីការជជែកវែកញែក ប្រជាជនកំពុងស្វែងរកព័ត៌មានអំពីលុយឌីជីថល១ ម៉ឺនបាតដែលមានលក្ខខណ្ឌ របៀបទទួលបាន ដើម្បីងាយស្រួលយកទៅចាយក្នុងគោលបំណងសំនខាន់ៗ។ ក្នុងនោះមានមនុស្សជាច្រើនបានបញ្ចេញមតិដោយការស្រមើស្រមៃជាមុនថា ប្រសិនបើអ្នកទទួលបានលុយឌីជីថល១ ម៉ឺនបាត តើអ្នកមានគម្រោងប្រើប្រាស់វាដោយរបៀបណា? ស្របពេលដែលមនុស្សមួយចំនួនធំ ចង់ចាយលើវត្ថុប្រើប្រាស់ប្រចាំថ្ងៃរបស់ពួកគេ។

ទោះយ៉ាងណាក៏ដោយ គណបក្សភឿថៃក៏ធ្លាប់បានបញ្ចាក់ថា លុយឌីជីថល១ម៉ឺនបាត អាចទិញឧបករណ៍ប្រើប្រាស់គ្រប់ប្រភេទដូចជា អាហារ, ទឹកផឹក, ឱសថ, សាប៊ូ, ប្រេងបន្លែ, ទឹកត្រី, គ្រឿងទេស ព្រមទាំងបរិក្ខារវិជ្ជាជីវៈជាដើម។

សរុបជារួម ទឹកប្រាក់ឌីជីថល១ម៉ឺនបាត មានគោលបំណងអនុញ្ញាតឲ្យមនុស្សទិញទំនិញប្រើប្រាស់គ្រប់ប្រភេទ ប៉ុន្តែមិនអាចទិញរបស់របរដូចជា ស្រា ស្រាបៀរ គ្រឿងញៀន និងមិនអាចសងបំណុលបានទេ។ លើសពីនេះ មាស ឬទូរសព្ទដៃវាមិនស្ថិតក្នុងប្រភេទផលិតផលប្រើប្រាស់នោះទេ។ ដូច្នេះ ប្រជាជនថៃត្រូវរង់ចាំការប្រកាសពីរដ្ឋាភិបាលបក្សភឿថៃម្ដងទៀតប៉ុណ្ណោះ៕