ឥណ្ឌា សម្រេចឲ្យនាំចេញអង្ករទៅកាន់ សិង្ហបុរី

ក្រសួងការបរទេសរបស់ប្រទេសឥណ្ឌាបាននិយាយកាលពីពេលថ្មីនេះថា ឥណ្ឌាបានសម្រេចចិត្តអនុញ្ញាតឲ្យមានការនាំចេញអង្ករទៅកាន់ប្រទេសសិង្ហបុរី ដើម្បីបំពេញសន្តិសុខស្បៀងប្រទេសមួយនេះ ។

យោងតាមការបញ្ជាក់ពីអ្នកនាំពាក្យក្រសួងការបរទេសឥណ្ឌាបានឲ្យដឹងថា ការបញ្ជាទិញជាផ្លូវការនឹងធ្វើឡើងក្នុងពេលឆាប់ៗខាងមុខ ស្របពេលដែលកាល​ពី​ខែ​មុន ប្រទេស​ឥណ្ឌា​បាន​ធ្វើ​ឲ្យ​អ្នក​ទិញ​ភ្ញាក់​ផ្អើលជាខ្លាំង​ បន្ទាប់ពី​​ដាក់​បម្រាម​លើ​ការ​នាំ​ចេញ​អង្ករ​សរបស់ខ្លួនទៅកាន់ទីផ្សារពិភពលោក ។

បច្ចុប្បន្នឥណ្ឌាកំពុងព្យាយាមគ្រប់គ្រងអតិផរណា នៅមុនការបោះឆ្នោតរដ្ឋនៅចុងឆ្នាំនេះ ខណៈកាលពីសប្ដាហ៍មុន ឥណ្ឌាក៏បានពង្រីកការទប់ស្កាត់ការនាំចេញអង្ករសម្រូបជាមួយនឹងពន្ធ ២០ ភាគរយ ដែលមានប្រសិទ្ធភាពរហូតដល់ថ្ងៃទី១៥ ខែតុលា ។

គួរបញ្ចាក់ថា ឥណ្ឌាមានចំណែកជាង ៤០ ភាគរយនៃការនាំចេញអង្ករពិភពលោក ហើយបន្ទាប់ពីប្រទេសមួយនេះផ្អាកនាំចេញ បានធ្វើឲ្យតម្លៃអង្ករផ្តើមឡើងខ្ពស់នៅទូទាំងពិភពលោក​ និងក៏បង្កជាក្តីព្រួយបារម្ភជាខ្លាំងផងដែរ ៕

ប្រែសម្រួល៖ នាង រតនៈ

ប្រភព ៖​ CNA